台灣民間故事: 白賊七的趣話(2)  林瑞芳 作
    .    .   .   .   .   .   .   .     .    .   .   .   .   .   . 賊七的趣話(1) .   . ●  目  錄            EDUTECH 首頁

Goangoe-Angbor  lorng  Siuxphiexn 
  C
 
   U-cidpae, y bad khix sviu kaki si svix symmih ee, si 
sviaflaang svy y ee, koq tuy tof'ui laai ee, taxnsi siciofng boe-bengpek ciah'ee tap'axn.
   Y kantvaf kix+teq, zu y siofkoar bad seasu ylaai, laang ciu kiox y Chid+ar, mxkuo Chid, cit'ee ji, si-mxsi
teq korng y si toe-chid ee kviar, iafsi korng si Chid-Goeh ee sii svy ee, ma mxzay.   Naxsi korng y si toe-chid ee kviar, y engkay iao u lag'ee hviazea, ciah'ee laang ti tof'ui leq?   Y cidtiafm'ar to mxzay.
    Korng y si Chid-Goeh svy ee, si khaq-hablie, sof'ie
y ciu teng 7-goeh 7-jit zox y ee svijit,  Ar koan'uu y ee svix leq?  Zef ia kab y ee miaa siokang, si bogbeeng-kibiau, sof'ie ciu emg ciuxte-zhwzaai ee hongseg, tap-chid-tap-poeq ee chiwtvoa, zhwteg tngtoe ee hofgiah-laang Oong-Goangoe ee svix, korng kaki si svix Oong ee. y koq khix ka Oong-Goangoe ang'ar-bor korng cviazoe hofthviaf-oe, ho yn sengjim y si yn ee tid'ar laq.   Afnny, na uxlaang mngxkhie y ee sinsex, y ciu toaxtoa khoa'iau laai korng, mxkuo sikafn cid'e kuo, laang ia ciofng ciah'ee taixcix boekix^tid laq.

Phiexn Kam'ar-Tvax kab Tibaq-Svaf+ee
   Cid'ee kvoathvy ee zafkhie, Chid^ar u ciaqkoex 

kafntafn ee zafpng, khiog si simlai boe-sofngkhoaix.   Suijieen si kvoathvy, cit'zafkhie
thvikhix u khaq-unoarn, ykefng kuynax'zabjit mxbat zhutthaau ee jidthaau ia sefng-khielix kau pvoarthvy, Y sof'toax ee mau'og ee zhuoterng u kuynax'ciaq baciog teq kiuokiuo'kiox.
Cit'ee zengheeng ho y boextaxng koq wnkw ti zhuolai, sof'ie ciu ka lipaf-mngg sofhor,
ciu nar long'ar-lai ee ciaw'ar, hioxng koef^nih chiofng^zhutkhix laq. 
   Zhawtoe ee tiarm'ar ti kvoathvy cviacior laang laai, pykhie zhwn-ha liofngkuix, sidzai siautiaau cviazoe.   Chit'ar khvoartafng-khvoarsay, zu cit'ee hang kviakoex hit'ee hang, khiog si zhoe boo symmih u-zhuobi ee taixcix.   Zorng-si, y ciu kviakaux hit'ee y tviaxtvia teq iefnsoad ee thofti-bioxzeeng ee kofngtviuu,   Ciaf ma cviazeng.   Citsii hngxhng 
khvoartioh cid'ee kharmtioh mi'aau ee lau-apoo, ze ti cioqkia-terng sof'phof ee phoarsvaf.
    Chid^ar sviu, khix kab cit'ee pvoarpaq ee lau-apoo kofng'oe ma boo-zhuobi, ciu hngxhng tuix yi zox cid'ee kuybin, koq ka yi korng:  "Lauxkaau!  khuichi to guxtioh lie, 
cviaa-soef^aq. 
   Zoai cid'ee oafn, zngrkoex nngxee haxng'ar, y to laikaux chixtviuu laq.   Kvoathvy ee chixtviu suijieen boo-chinchviu zhwn-ha ee chixtviuu hiahniq lauxjiet, laang ma boextaxng chinchviu zoaa ciux ti tong+nih teq tongbiin, sof'ie cidkuun zhwn+nih ee lauxlaang lorng tharntioh kin'afjit ee hogthvy, zhutlaai suq khongkhix, ia laai ciaf boea cidkoar'ar jid'iong ee miqkvia, ia u teq boe tibaq, boe koe'aq, boe chvihii ee, tefngterng.   Paai-tvar'ar ee, lorng hoaq-gaq toaxsoex-svia, boeq tharn cit'ee sikafn zox cidkoar'ar senglie.
   Chid+ar ykefng cviakuo mxbad khvoartioh ciahniq'lauxjiet ee laq;  y khiyzhof iao u koaekoaix ee, bokuo to kafmkag boo-symmih.  U-cid'ee kam'ar-thafn ee, khvoartioh Chid+ar ciu chiox-gixgi oar+laai kab y phaq ciohof. 
   "Chid+ar!  Cviakuo boo-kvix+tioh.  U symmih hor-siausid+boo?"
   "Hor-siausid si boo laq.  Twtuo kin'afjit si goarn-azeg zox svijit, eng'axm boeq paai cviazoe iensiaq-toq boeq chviar langkheq.  Goarn-azeg tegpiet kautai goar zhutlaai ciaf tiauxzaf chixbin^aq"  Chid+ar toaxboo-toax'viu ka y afnny irntab.
  "Chid+Kof.  iensiaq boeq eng ee koefcie, si-mxsi kiox lie boea leq?"
    "Si+aq.  Goarn-azeg oe kiox laang laai theh."
    "Ox!  Cinhor!  Na afnny, Chid+Kof, lie to boea goar ee koefcie hor laq.   Keacvii goar oe ka lie sngx khaq-ke."
   Chid^ar kantvaf khinkhyn taxm-cid'e thaau, korng: "Lie koq khix zhoaan cidkoar sinsiefn ee laai, ciaq kab goar zofhoea khix."  Y cviaa-tek'ix, ciu kviaa hioxng pengioong siang-thor'iaxm y ee baq-tiafm'ar khix.   Cit'ee sizun, baq-tiafm'ar si senglie siang-hor ee sii.   Tibaq-a'Safm twtuo teq toa-bo'eeng.   Chid+ar khvoax y teq bo'eeng ciu sviu aeboeq ka y hylang-cid'e, ciu tuix y korng: 
   "Ax! Tibaq-Safm. Biern teq bo'eeng laq. Kin'afjit goar laai, ciuxsi lie ee hof'un+aq!"
Tibaq-Safm teq bo'eeng sngrsiaux-siucvii, oadthaau cid'ee khvoax, goanlaai mxsi pdlaang, si Peqzhad-Chid^ar.  Y cid'e siuxkhix to hoaq-korng:  "Lie cit'ee kaukviar^aq.  Sviaflaang guxtioh lie, sviaflaang ciux si phvay'un laq."
    Chid+ar khvoax y afnny, ciu zai'viar twciaq ee chiwtvoa bohor, ciu voa cid'ee hengseg, kekzox cviaa-siuxkhix, ciu tuix y korng: 
    "Ar, biern laq.   Taan+ee hiaf u cviazoe leq."  Afnny phiexn Tibaq-Safm, ciu toaxsviaf hoaq-korng:
   "Taan+ee!  Goar-hiah'ee tibaq lorng ka goar chirnchixn+leq.  Aix joaxzoe cvii, goar ciu ho lie joaxzoe cvii."   Cit'ee oe kviatong-tioh a'Safm, mafsiong
ciofng tibaq-tof khngx+teq, zawlaai ka khix-phwnphuxn ee Chid+ar ee chiuo giuo+teq, hofhof'ar korng:
    "Chid+Kof, maix siuxkhix laq, taixkef lorng si hor-zwkox, siofkhoar korng-kwnchiox, maix sngrzox cyn ee laq.   Lie aix boeq joaxzoe baq, ciu laai goar-ciaf boea ciuxsi laq."
   "Si+aq.  Goar nar oe siuxkhix.   Mxkuo lie ee tibaq thaix-cior, bokaux eng+aq."  A'Safm thviatioh korng y ee cidciaq ty iao bokaux eng, ciu kafmkag kikoaix.  Mxkuo
Chid^ar khiog zngzhud tirnteng ee sinkhuix, ciaotioh y pengsioong teq phornghofng ee khawkhix, ka siepvy ee zernglaang khvoax^cid'e, ciu baxnbaxn'ar kofngzhud:
   "Eng'axm twtuo si goarn-azeg, Oong Goangoe, zox

lagzap-hoex ee svijit, ti Oong-Huo boeq chviar langkheq. Lirn sior-sviu+cid'e, larn-tixn ee hofgiah-laang boeq chviafkheq, kantvaf cidciaq tikofng ee baq nar uxkaux leq.   Goarn-azeg uythog goar laai ciaf ee."
     A'Safm kynkirn soax laai korng: "Uxlie
+aq.  Larn-
tixn ee hofgiah-laang boeq chviafkheq, ciah'ee tibaq nar uxkaux eng!  Khvoax Chid+Kof aeboeq joaxzoe, goar
itteng paxn-oexkaux."
   "Tioh+aq.   Hef khaksit tioq'aix cviazoe.   Sngx korng cidpah'tex chincviaa-toq, koq cidpah'tex peng'iuo-toq, zofngkiong nngxpaq-toq, tibaq ciecior ma aix nngxzheng kyn."
Chid
+ar cviaa-safngsex korng laai pofchiofng.   A'Safm hvoahhie-gaq kofng'oe to korng-boe-zhud+laai.   Zhoarn-cid'e khuix, ciaq korng:  "Nngxzhefng kyn.   Ciu lorng paw ti goar ee synsiong, zoadtuix boe ka lirn tamgo-tioh."
    Chid
+ar chiorchiox, koq hoanhux y tioh hofhor zwnpi, ciu kviaa+zhutkhix.
    Zernglaang ti putty-putkag-tiofng ho Chid
+ar phiexn+khix laq, ar hoafntngr himsien y u hofgiah-laang ee chincviaa zox auxsvoa;  Tibaq-Safm kab kam'ar-tvax ho y phiexn+khix maxsi uixtioh cit'ee ienkox.
     Chid
+ar cviaa-sofngkhoaix, khotioh si'ar, kviazhud chixtviuu, zuxgieen-zuxguo korng: "Goxngtay, heq, heq, lirn ciah'ee goxngtay.  Sviaflang korng mxsi leq.  Heq, heq."

                                                              續往    . 賊七的趣話(2)
白賊七的傳聞