T2-Exodus(7)

【ＷＷＷ台語聖經】

.
出　埃　及　記
.第 30 ～ 35 章

. . . . . . . . . . . . . . . . . . . . . ●　回 EDUTECH 首頁 

速選 :　◎ 第三十一章　智慧者 ee 職　　◎ 第三十二章　金製 ee 牛仔
　◎ 第三十三章　Kab 百姓居住　 ◎ 第三十四章　再授誡命　◎ 第三十五章　準備聖所

第 1 ~ 5 章	第 6 ~10 章	第 11~15 章	第 16~20 章
第 21~25 章	第 26~30 章	第 31~35 章	第 36~40 章

　　　　　　　　　　　　　　　　　　　出　埃　及　記　　第　31　章
第三十一章
　出31: 1　Iahohoaf對Mosef講：
　出31: 2　"看^aq !　 Iutai ee 支派中，Hoxnie ee 孫，Oli ee kviar Pysatliet，Goar 已經㤲W[cymiaa]來召[tiaux] 伊。
　出31: 3　"Goar 也 eng Goar ee 靈 ka 伊充滿，ho 伊有智慧，有聰明，有知識，oe 作各樣[tag'viu] ee 工，
　出31: 4　"oe 想出奇巧 ee 工，eng 金、銀、銅來製造 hiah'ee 物，
　出31: 5　"koq oe 刻寶石來鑲[sviw] 伊，oe 雕刻柴，oe作各樣 ee 工。
　出31: 6　"Goar 也派 Taxn ee 支派中、Ahisatboad ee kviar Aholixapeg kab 伊同工[tangkafng]。　凡是心內有智慧^ee，Goar boeq 賞賜[sviwsux] yn kohkhaq 有智慧，oe 作 Goar 一切所吩咐
[hoanhux]^ee，
　出31: 7　"就是會幕 kab 法櫃，以及 hit'頂面 ee 施恩座， kab會幕中一切 ee 器具，
　出31: 8　"桌仔 kab 桌仔 ee 器具，純金 ee 燈臺 kab 燈臺 ee 一切器具以及香壇，
　出31: 9　"燒祭壇 kab 壇 ee 一切器具，以及洗盪盆[soeftng-phuun]kab 盆座，
　出31: 10　"精工[zengkafng] 所作 ee 禮服，kab 祭司[zeasy]Aluun以及 yn-kviar eng 來服事[hogsai] ee 衫，
　出31: 11　"thafng 抹 ee 油 kab 聖所所eng phangphafng ee 香料[phangliau]。 Yn lorng tioh 照 Goar 一切所吩咐^ee 去作。"
　出31: 12　Iahohoaf吩咐Mosef講：
　出31: 13　"你 tioh 吩咐Ysekliet-人講：　'恁的確 tioh 守 Goar ee 安歇日[anhiohjit]；　因為 zef 是 Goar kab 恁中間世世代代
ee 證據[zerngkux]，ho 恁 zaiviar Goar 就是Iahohoaf， ho 恁
成聖^ee。
　出31: 14　"'所以恁 tioh 守安歇日，因為是恁 ee 聖日。　凡是犯著 cit'日 ee，的確 tioh ho 伊死；　凡是 ti cit'日作工 ee，的確 tioh tuy 百姓 ee 中間受剪除。
　出31: 15　"'六日 tioh 作工，獨獨第七日是安歇 ee 大聖日，是
Iahohoaf ee 聖日。　凡是 ti 安歇日作工 ee，的確 tioh ho 伊死。
　出31: 16　"'所以，Ysekliet-人 tioh 守安歇日，世世代代謹慎 cit'ee 安歇日，做為永遠 ee 約。
　出31: 17　"'Zef 是 Goar kab Ysekliet-人永遠 ee 證據；因為六日內 Iahohoaf創造天地，第七日就歇睏[hiohkhuxn] 來清閒
[zheng'eeng]。 '"
　出31: 18　Iahohoaf ti Senae-山 kab Mosef 講話結束，就將兩塊約碑[iokpy] ho^伊，是上帝 eng 指頭仔[zefngthau'ar]寫 ee 石碑
[cioqpy]。

　　　　　　　　　　　　　　　　　　　　　　　　　--=♂=回頁首 ---

　　　　　　　　　　　　　　　　　　　　出　埃　及　記　　第　32　章
第三十二章

　出32: 1　百姓因為 Mosef 延延[ienchieen] 無落山，就大家聚集 kaux Aluun-hiaf，對伊講： "起^來！　Ka 阮作一個神像， thafng ti 阮 ee 頭前 zhoa-路；　因為 zhoa 阮出 Aikip-地 ee hit'ee Mosef，阮 mxzay 伊 twtioh 什麼事。”
　出32: 2　Aluun 對 yn 講："恁去剝落[pakloh] 恁-bor kab 兒女 ee 耳仔頂 ee金環，theqlaai ho 我。"
　出32: 3　百姓就 lorng ka yn 耳仔頂 ee 金環，theqlaai ho Aluun。
　出32: 4　Aluun tuy yn ee 手^裡接^過來，鑄[zux]一隻牛仔，用雕刻 ee 器具來作成。　Yn 就講：　"Ysekliet^aq!　Zef 是 zhoa 你出 Aikip-地 ee 上帝。"
　出32: 5　Aluun 看^見，就 ti 牛仔面前起壇，koq 宣告講：　"明仔再 boeq 守節服事 Iahohoaf。"
　出32: 6　隔日透早，百姓起來獻燒祭 kab 平安祭，就坐-teq 飲吃[limciah]，起來滾笑[kwnchiox]。
　出32: 7　Iahohoaf吩咐Mosef講："去^aq，你落^去。　因為你 ee 百姓，就是你 tuy Aikip-地 zhoa^出來 ee，已經敗壞家己。
　出32: 8　"Yn 緊緊離開 Goar 所吩咐 ee 道，為家己鑄成一隻牛仔，ka 伊跪拜獻祭，講：'Ysekliet^aq!　Zef 就是 zhoa 你出
Aikip-地 ee 上帝。'"
　出32: 9　Iahohoaf對Mosef講："Goar 看 cit'ee 百姓，
cviasi 硬著頷頸 ee 百姓。
　出32: 10　"你 tvaf 出在[zhutzai] Goar，Goar boeq 對 yn 受氣，將 yn 滅絕，ho 你 ee 後裔成做大國。"
　出32: 11　Mosef 就懇求Iahohoaf，伊 ee 上帝，講：
"Iahohoaf^aq!　Lie 為甚麼向你 ee 百姓受氣 leq?　Cit'ee 百姓是 Lie eng 大權能 ee 手 tuy Aikip-地 zhoa^出來 ee。
　出32: 12　"為甚麼 boeq ho Aikip-人議論講 Y zhoa yn 出^去，是 boeq ka yn 加害，害死 yn ti 山中，將 yn tuy 地上除滅﹖　求你回心轉意，maix 受氣，mxthafng 降禍 ho Lie ee 百姓。
　出32: 13　"求 Lie 顧念著 Lie ee 僕人 Apeklaqharn、Ysad kab Ysekliet。　Lie bad 指著家己來立誓講：　'Goar 的確 ho 恁 ee 後裔親像天頂 ee 星 hiahniq'zoe，koq Goar 所應允 ee cit'ee 全地，的確 boeq 賞賜[sviwsux] ho 恁 ee 後裔，yn boeq 承受做永遠 ee 產業。'"　
　出32: 14　Zu afnny， Iahohoaf悔心[hoefsym]，無降落所講 ee 禍 ti Y ee 百姓。
　出32: 15　Mosef 轉身落山，手內theqtioh hit'兩塊約碑。　
Ciah'ee 碑是兩面 lorng 有寫^ee，cit'面 hit'面 lorng 有寫字，
　出32: 16　碑是上帝作^ee，字是上帝寫^ee，刻 ti 碑 ee 頂面。
　出32: 17　Ioksu'af 一下聽見百姓 teq 喊嘩[hafnhoaf] ee 聲，就對 Mosef 講："Ti 營內有交戰 ee 聲。"
　出32: 18　Mosef 講："Zef mxsi 人殺贏[thaiviaa] 得勝[teksexng] ee 聲，也 mxsi 人殺輸[thaisw] 喉叫[aukiox] ee 聲，我所聽見^ee 是人 teq 唱歌[chviuokoaf] ee 聲。"
　出32: 19　Mosef 倚近營前就看見牛仔， koq 看見人 teq 跳舞，就大受氣，將兩塊石碑 hied-落 ti 山腳, hef 就破碎^去，
　出32: 20　伊 koq 將 yn 所鑄 ee 牛仔 eng 火燒，研作[gefngzox] 粉末，撒[ia] ti 水面上，叫 Ysekliet-人飲。
　出32: 21　Mosef對 Aluun講："Cit'ee 百姓對你作什麼﹖你竟然 ho yn 陷落 ti 重罪[taxngzoe]^裡！"
　出32: 22　Aluun 講："我 ee 主，請 mxthafng 受氣。　Ciah'ee 百姓專愛作歹，你是 zaiviar^ee。
　出32: 23　"Yn 對我講：'你為阮作神像， thafng ti 阮頭前 zhoa-路；　因為 zhoa 阮出 Aikip-地 ee hit'ee Mosef，阮 mxzay 伊 twtioh 什麼事。'
　出32: 24　"我對 yn 講：'凡是有金環^ee tioh 剝^落來，'　yn 就 theh ho 我。　我 ka 金環 taxn ti 火^裡，cit'隻牛仔就出^來。"
　出32: 25　Mosef看見百姓放縱，因為 Aluun放[paxng] 出在 yn，
ho yn ti 對敵 ee 中間受譏刺[kichix]，
　出32: 26　Mosef就 khia ti 營門中，講："凡是屬 ti Iahohoaf^ee，lorng tioh kaux 我-ciaf 來！"　zu afnny Lixbi ee 子孫 lorng kaux 伊-hiaf 聚集。
　出32: 27　伊對 yn 講："Iahohoaf， Ysekliet ee 上帝 afnny 講：　'恁各人 tioh 插[zhaq] 刀 ti 大腿，ti 營中往來， tuy cit'ee 門 kaux hit'ee 門，各人殺死伊 ee 兄弟 kab 同伴[tangphvoa] 以及厝邊人。"
　出32: 28　Lixbi ee 子孫照Mosef ee 話去行。　Hit'一日百姓中死^ee 約略有三千人。
　出32: 29　Mosef講："今仔日恁 tioh 獻家己 ho Iahohoaf，各人攻擊伊 ee kviar kab 兄弟，ho Iahohoaf ka 恁賜福。"
　出32: 30　Kaux 第二日， Mosef對百姓講："恁有犯重罪。
我 tvaf boeq 上去[cviuxkhix]Iahohoaf-hiaf，kiafmzhae thafng 為恁贖罪。"
　出32: 31　Mosef tngfkaux Iahohoaf-hiaf，講："唉^aq！　Cit'ee 百姓犯著重罪，為家己作金像。
　出32: 32　"Tvaf Lie na boeq 赦免 yn ee 罪……，na m，求 Lie tuy Lie 所寫 ee 冊，擦去[zhatkhix] 我 ee 名。"
　出32: 33　Iahohoaf對Mosef講：" 甚人得罪 Goar，Goar 就 tuy Goar ee 冊擦去甚人 ee 名。
　出32: 34　"Tvaf 你去 zhoa cit'ee 百姓，去 Goar 所 ka 你講 ee 所在，Goar ee 使者[suociar] 的確 boeq 行 ti 你 ee 頭前；　獨獨 kaux Goar 辦罪 ee 日，Goar boeq 辦 yn ee 罪。"
　出32: 35　Iahohoaf 降災禍 ho 百姓，是因為 yn 作牛仔，就是Aluun 所鑄造^ee。
　　　　　　　　　　　　　　　　　　　　　　　　　--=♂=回頁首 ---

　　　　　　　　　　　　　　　　　　　　出　埃　及　記　　第　33　章
第三十三章

　出33: 1　Iahohoaf 對 Mosef 講："Goar bad 立誓[libsex] 應允
[erng'urn]Apeklaqharn、Ysad、 Gvafkog講：'Boeq 將 Kalaam-地賞賜[sviwsux] ho 你 ee 後裔[hoxex]。'　Tvaf，你 kab 你 tuy Aikip-地所 zhoa^出來 ee 百姓， tioh tuy ciaf 上去[cviuxkhix] hit'ee 地。
　出33: 2　"Goar boeq 差遣使者 ti 你 ee 頭前，趕出[kvoafzhud]Kalaam-人、Amoli-人、Heg-人、Pylixsea-人、Hibi-人、Iaporsw-人，
　出33: 3　"zhoa 你 kaux hit'ee teq 流奶[ny] kab 蜜 ee 地。
Goar 家己 m kab 恁上^去；　因為恁是硬著頷頸[axmkurn] ee 百姓，恐驚 Goar ti 路上 ka 恁滅絕。"
　出33: 4　百姓聽見 cit'ee phvae 消息[siausid] 就憂悶，也無人妝飾[zngthva]。
　出33: 5　Iahohoaf對Mosef講："你 ka Ysekliet-人講： 'Iahohoaf講：恁是硬著頷頸 ee 百姓，Goar na 一目瞬久
[cidbagniq-kuo] 臨到恁 ee 中間，的確 oe 滅絕恁。　Tvaf 恁 tioh ka 身上 ee 妝飾剝[pag]^落來，ho Goar thafng zaiviar 怎樣對待恁。'"
　出33: 6　Ysekliet-人 tuy toax ti Holiet-山以後，就將身上 ee 妝飾 lorng 剝^落來。
　出33: 7　Mosef素來將帳棚[tviuopvii] 搭 ti 營外，離開營遠遠，伊叫 cit'ee 帳棚做會幕。　凡是求問 Iahohoaf^ee，就 kaux 營外 ee 會幕-hiaf 去。
　出33: 8　當 Mosef 出營去會幕 ee 時陣，百姓就 lorng 起^來，各人 khia ti 家己 ee 帳棚 ee 門口，看 Mosef，一直等到伊進入會幕。
　出33: 9　Mosef 進入會幕 ee 時陣，雲柱降^落來，khia ti 會幕 ee 門前，Iahohoaf就 kab Mosef 講話。

　出33: 10　眾百姓看見雲柱 khia ti 會幕 ee 門前，就 lorng 起^來，各人 ti 家己 ee 帳棚 ee 門口跪拜。
　出33: 11　Iahohoaf kab Mosef面對面講話，好親像人 kab 朋友 teq 講話一般樣。 　
Mosef tngflaai 營^裡，獨獨有伊 ee 跟隨[kunsui]^ee，一個

少年人 Luxn ee kviar Ioksu'af無離開會幕。
　出33: 12　Mosef 對 Iahohoaf講："Lie 對我講：'將 cit'ee 百姓 zhoa^上去，'　總是無 ho 我 zaiviar Lie boeq 差甚人 kab 我做夥去，kantvaf 講：　'Goar 提你 ee 名揀召[kefngtiaux] 你，你 ti Goar ee 面前也得著恩典。'
　出33: 13　"我 tvaf na ti Lie ee 面前得著恩典，求 Lie 將 Lie ee 路指示我，ho 我 thafng 認識 Lie，好-thafng ti Lie ee 面前得著恩典。　Lie tioh 思念[siaoliam] cit'族是 Lie ee 百姓。"
　出33: 14　Iahohoaf講："Goar 的確親身 kab 你做夥去，ho 你得著安歇。"
　出33: 15　Mosef 講："Lie na 無親身 kab 我做夥去，就
mxthafng zhoa 阮 tuy ciaf 上^去。
　出33: 16　"人 ti 甚事 ee 頂面 thafng zaiviar 我 kab Lie ee 百姓 ti Lie ee 面前得著恩典 leq? 　Kiarm mxsi 因為 Lie kab 阮做夥去，ho 我 kab Lie ee 百姓，lorng 是 kab 地上 ee 萬民有分別麼?"
　出33: 17　Iahohoaf對Mosef講："你所求 cit'ee 事，Goar 也 boeq 行；　因為你 ti Goar ee 面前得著恩典， koq Goar 提你 ee 名揀召你。"
　出33: 18　Mosef 講："求 Lie 顯出 Lie ee 榮光 ho 我看。"
　出33: 19　Iahohoaf講："Goar boeq 顯出 Goar 一切 ee 恩惠， ti 你 ee 面前經過，宣告 Goar ee 名。　Goar boeq 施恩甚人就施恩甚人；　boeq 憐憫甚人就憐憫甚人。"
　出33: 20　Koq 講："你 boextaxng 看見我 ee 面，因為人見我 ee 面就 boextaxng 活。"
　出33: 21　Iahohoaf講："看^aq， ti Goar-ciaf 有所在，你 tioh khia ti 石磐頂。
　出33: 22　"Goar ee 榮光經過 ee 時陣，Goar boeq ka 你 he ti 石磐 ee 縫內[phang-lai]，eng Goar ee 手遮掩[jia'afm] 你，等候 Goar 經過^去，
　出33: 23　"然後 Goar boeq 將 Goar ee 手收回，你就 thafng 看見 Goar ee 背後，卻看-boextioh Goar ee 面。"
　　　　　　　　　　　　　　　　　　　　　　　　　--=♂=回頁首 ---
　

　　　　　　　　　　　　　　　　　　　　出　埃　及　記　　第　34　章

第三十四章

　出34: 1　Iahohoaf對Mosef講："你 phaq 兩塊石碑， kab 以前你打碎[phahzhuix] ee hit'塊相共[svakang]；頂面 ee 字，Goar boeq 寫。
　出34: 2　"明仔再透早，你 tioh 豫備好，上來 Senae-山， ti 山頂 khia ti Goar ee 面前。
　出34: 3　"甚人[sviaflaang] 也 mxthafng kab 你做夥上^來，遍山
[piernsvoaf] lorng mxthafng 有人， ti 山腳也 mxthafng 有羊群牛群 teq 吃草。"
　出34: 4　Mosef 就 phaq 兩塊石碑， kab 以前^ee 相共。　透早起^來，照 Iahohoaf所吩咐^ee 上去 Senae-山，手^裡 theqtioh 兩塊石碑。
　出34: 5　Iahohoaf ti 雲中降臨， kab Mosef做夥 khia ti hiaf，宣布 Iahohoaf ee 名。
　出34: 6　Iahohoaf ti 伊 ee 面前，宣告講："Iahohoaf，
Iahohoaf，是有憐憫有恩典 ee 上帝，無緊受氣， koq 有豐盛 ee 慈愛 kab 誠實，
　出34: 7　"為千萬人存慈愛，赦免罪過[zoexkoax]、過失 kab 罪惡，決斷 boe liah 有罪^ee 做無罪， boeq 歸咎[kuikiu] 伊 ee 罪，tuy 父 kaux kviar，直到三、四代。 "
　出34: 8　Mosef 緊緊伏落[phakloh] 地敬拜，
　出34: 9　講："主^aq!　我 na ti Lie ee 面前得著恩典，求 Lie ti 阮-中間做夥行，因為 zef 是硬著頷頸 ee 百姓。 Koq 求你赦免阮 ee 罪過 kab 阮 ee 罪惡，liah 阮做 Lie ee 產業[safngiap]。"
　出34: 10　Iahohoaf講："Goar boeq 立約， boeq ti 百姓 ee 面前行奇妙 ee 事，是 ti 遍地萬國中所 mxbad 行^ee。　Ti 你四圍 ee 外邦人就 boeq 看見Iahohoaf ee 作為，因為 Goar 向你所行^ee 是 thafng kviaf ee 事。
　出34: 11　"Goar 今仔日所吩咐你^ee，你 tioh 執守[cipsiuo]。　
Goar boeq tuy 你 ee 面前趕出[kvoafzhud]Amoli-人、 Kalaam-人、
Heg-人、Pylixsea-人、Hibi-人、Iaporsw-人。
　出34: 12　"你 tioh 謹慎，mxthafng kab 你所 boeq 去 hit'所在 ee 居民立約，恐驚成做恁中間 ee 羅網[lobang] ；
　出34: 13　"tioh 拆[thiaq] yn ee 祭壇，打碎 yn ee 柱像，zhox
yn ee Asiarlah (柴 ee 偶像 )。
　出34: 14　"Mxthafng 敬拜別個上帝；　因為Iahohoaf是忌邪
[kixsiaa] ee 上帝，名做獨尊者。
　出34: 15　"驚了[kvialiao]你 kab hit'所在居住[khiaxkhie] ee 外邦人立約，隨[toex]yn ee 神明，行邪淫[sia'iim]，祭祀[zeasu] yn ee 神明，有人叫你，你就吃伊 ee 祭物[zeamih]，
　出34: 16　"koq 驚了你 ka 你 ee kviar 娶 yn ee zabor-
kviar 做 bor，yn ee zabor-kviar 隨 yn ee 神明，就行邪淫，ho 你 ee kviar 也隨 yn ee 神明行邪淫。
　出34: 17　"Mxthafng 為家己鑄造偶像[gvofsiong]。
　出34: 18　"你 tioh 守除酵節，照 Goar 所吩咐你^ee，ti Apid-月內所定著[tviaxtioh] ee 日期吃無酵餅七日久，因為你是 ti cit'ee Apid-月內出 Aikip^ee。
　出34: 19　"凡是頭胎生[thauthef-svy]^ee lorng 是 Goar^ee；一切頭上生 ee 牲生[zengsvy]，無論是牛或是羊，公[kafng]^ee lorng Goar^ee。
　出34: 20　"頭胎生 ee 驢 tioh eng 羊仔來替贖[thoeasiok]， na 無替贖就 tioh 打折[phahcih] 伊 ee 頷頸。　凡是頭胎生 ee kviar lorng tioh 贖^出來。甚人也 mxthafng 空手來朝見[tiaukvix]Goar。　
　出34: 21　"你六日 tioh 作工，第七日 tioh 安歇，雖然 ti 耕種收割 ee 時陣也 tioh 安歇。
　出34: 22　"Ti 麥仔初熟， boeq 收割 ee 時陣， tioh 守七七日-節； koq ti 年底 tioh 守收藏 ee 節。
　出34: 23　"恁一切 ee 男丁 tioh 一年三次來朝見主 Iahohoaf， Ysekliet ee 上帝。
　出34: 24　"Goar boeq tuy 你 ee 面前趕出外邦人，擴張你 ee 境界。　你一年三次上去朝見 Iahohoaf，你 ee 上帝 ee 時，的確無人 oe 貪你 ee 土地[thoftoe]。
　出34: 25　"你 mxthafng 將 Goar ee 祭物 ee 血 kab 有酵 ee 餅做夥來獻。　Pvoakoex-節 ee 祭物也 mxthafng 留 kaux 隔早起
[keq-zafkhie]。
　出34: 26　"地^裡首先初熟 ee 物 tioh 送 kaux Iahohoaf，你
ee 上帝 ee 殿。　煮山羊仔， mxthafng eng 伊 ee 母 ee 奶。 "
　出34: 27　Iahohoaf對Mosef講："你 tioh 寫 ciah'ee 話，因為 Goar 是照 ciah'ee 話來 kab 你 kab Ysekliet-人立約^ee。"
　出34: 28　Mosef ti Iahohoaf-hiaf 四十日暝[jidmii]，也無吃飯也無飲水。　Iahohoaf將 cit'ee 約 ee 話，就是十條誡，寫 ti 兩塊石碑。
　出34: 29　Mosef 手^裡 theqtioh 兩塊約碑 tuy Senae-山落來 ee 時陣，mxzay 家己 ee 面，因為經過 Iahohoaf kab 伊講話，就射出光。
　出34: 30　Aluun kab Ysekliet ee 眾人看見 Mosef ee 面射出光就 kviaf ， mxkvar 倚近[oafkin] 伊。
　出34: 31　Mosef叫 yn 來； zu afnny Aluun kab 會眾 ee 頭人 lorng kaux 伊-hiaf， Mosef 就 kab yn 講話。
　出34: 32　然後 Ysekliet-眾人 lorng 進前來，伊就將 Iahohoaf ti Senae-山 kab 伊所講 ee 一切 ee 話 lorng ka yn 吩咐。
　出34: 33　Mosef kab yn 講話講-soaq，就 eng 手巾掩面
[ambin]。
　出34: 34　總是 Mosef進入 kaux Iahohoaf ee 面前 kab Y 講話，就掀開[hienkhuy] 手巾，kaux 伊出^來 ee 時，就將 Iahohoaf所吩咐^ee ka Ysekliet-人講。
　出34: 35　Ysekliet-人看見Mosef ee 面射出光。　Mosef koq eng 手巾掩面，等到伊進入去 kab Iahohoaf講話，就掀開手巾。
　　　　　　　　　　　　　　　　　　　　　　　　　--=♂=回頁首 ---
　　　　　　　　　　　　　　　　　　　　　　　　　　　　　　　　　　　　.

　　　　　　　　　　　　　　　　　　　出　埃　及　記　　第　35　章
　
第三十五章

　出35: 1　Mosef招集[ciocip] Ysekliet全會眾，對 yn 講：　"Zef 是 Iahohoaf所命令 ee 話，叫恁 tioh 遵行^ee：
　出35: 2　"六日 tioh 作工，第七日是恁 ee 聖日，是大 ee 安歇日 tioh 來服事 Iahohoaf。　凡是 ti cit'日作工^ee，tioh ho 伊死。
　出35: 3　"當安歇日， ti 恁各間[tagkefng] 厝內 mxthafng 起火。"
　出35: 4　Mosef 對 Ysekliet 全會眾講："Iahohoaf 所吩咐 ee 是 afnny：
　出35: 5　"'恁-中間 tioh theh 禮物獻 ho Iahohoaf，凡是樂意獻^ee， thafng theh boeq 獻 ho Iahohoaf ee 禮物來，就是金、銀、銅，
　出35: 6　"'藍色、紫色、朱紅色 ee 線料，幼麻，山羊毛，
　出35: 7　"'染紅[ny'aang] ee 羊公皮[viukarng-phoee]，海狗皮，皂莢柴
[zoxkiapzhaa]，
　出35: 8　"'點燈 ee 油，以及香料[hviuliau]，thafng 作成抹 ee 油 kab 香[hviw]^ee，
　出35: 9　"'紅瑪瑙[aang-beflor] kab 別款 ee 寶石， thafng 鑲
[sviw] ti yhutteg kab 胸掛牌上。
　出35: 10　"'恁中間凡是心內有智慧^ee lorng tioh 來作 Iahohoaf 一切所吩咐^ee：
　出35: 11　"'就是帳幕 kab 帳幕 ee 布棚[porpvii]，以及帳幕 ee 蓋、鉤仔、板、橫杠[hvoaikoong]、柱仔、柱臼，
　出35: 12　"'櫃 kab 櫃 ee 杠[kngx]，施恩座 kab 遮閘[jiazah] 櫃 ee 帳簾[tviuolieen]，
　出35: 13　"'桌 kab 桌 ee 杠 kab 桌 ee 一切器具，以及排列 ee 餅，
　出35: 14　"'燈臺 kab 燈臺 ee 器具，燈盞[tengzvoar] 以及點燈 ee 油，
　出35: 15　"'香壇[hviutvoaa] kab 壇 ee 杠抹 ee 油 kab phafng ee 香料，以及帳幕門口 ee 門簾[mnglieen]，
　出35: 16　"'燒祭壇 kab 壇 ee 銅網，壇 ee 杠以及壇 ee 一切器具，洗盪盆[soeftng-phuun] kab 盆座，
　出35: 17　"'庭[tviaa] ee 帳帷[tviuo'uii] kab 帳帷 ee 柱，柱臼 kab 庭 ee 門簾，
　出35: 18　"'帳幕 ee 釘以及庭 ee 釘， kab cit'兩所在 ee 索仔，
　出35: 19　"'精工所作 ee 禮服 kab 祭司 Aluun 以及 yn-kviar ti 聖所 eng 來供職 ee 聖衫。'"
　出35: 20　Ysekliet 全會眾 tuy Mosef 面前退^出去。
　出35: 21　凡是心內受感動 kab 甘心樂意^ee， lorng theh 禮物來 ho Iahohoaf，作會幕 kab 其中一切 ee 用途， koq eng 來作聖衫。
　出35: 22　凡是心內樂意獻禮物⁺ee，男男女女，各人將金器，就是胸前 ee pynciafm、耳環、打印[tngr'ixn]ee 手指[chiwcie]， kab 手環
[chiwkhoaan] 帶來獻 ho Iahohoaf。
　出35: 23　凡是有藍色、紫色、朱紅色 ee 線料，幼麻，山羊毛，染紅ee 羊公皮，海狗皮^ee，lorng theh^來。
　出35: 24　凡是獻銀 kab 銅 ho Iahohoaf 做禮物^ee， lorng theh^來；　凡是有皂莢柴 thafng 作什麼用途^ee 也 lorng theh^來。
　出35: 25　凡是心中有智慧 ee 婦女，親手紡線所得 ee 藍色、紫色、朱紅色 ee 線料，kab 幼麻 lorng theh^來。
　出35: 26　凡是有智慧、心內受感動 ee 婦女就紡山羊毛。
　出35: 27　Hiah'ee 頭人 ka 紅瑪瑙 kab 別款 ee 寶石， thafng 鑲 ti yhutteg kab 胸掛牌頂^ee，lorng theh^來；
　出35: 28　koq theh 香料 kab thafng 點燈 ee 油，thafng 抹 ee 油。
　出35: 29　Ysekliet-人，無論男女，凡是甘心樂意獻禮物 ho Iahohoaf^ee， lorng 將禮物 theh^來，作 Iahohoaf ka Mosef 吩咐 ee 一切 ee 工。
　出35: 30　Mosef對 Ysekliet-人講：" Iutai ee 支派中，
Hoxnie ee 孫，Oli ee kviar Pysatliet，Iahohoaf已經㤲W
召[tiaux] 伊，
　出35: 31　"koq eng 上帝 ee 靈 ka 伊充滿，ho 伊有智慧、聰明、知識，oe 作各樣 ee 工，
　出35: 32　"oe 想出奇巧[kikhiao] ee 工，eng 金、銀、銅來製造各樣[tag'viu]ee 物，�
　出35: 33　"koq oe 刻寶石，來鑲伊，oe 雕刻柴頭，oe 作各樣 ee 奇巧 ee 工。
　出35: 34　"Iahohoaf koq ho 伊， kab Taxn ee 支派中
Ahisatboad ee kviar Aholixapeg，心有靈巧[lengkhiao]，oe 教示
[karsi] 人。　
　出35: 35　"Iahohoaf ho yn ee 心滿滿有智慧，oe 作各樣 ee 工，無論是雕刻 ee 工，奇巧 ee 工，eng 藍色、紫色、朱紅色 ee 線料，
kab 幼麻來作繡花 ee 工，以及織布 ee 工， yn lorng oe 作，也
oe 想出奇巧 ee 工。"
　　　　　　　　　　　　　　　　　　　　　　　　　--=♂=回頁首 ---

　　●　繼續到第三十六章.