¡@¡@Ti  Tho'hngg  ee  Toaxkhokhaxm   u  cidee  zabor-gyn'ar,  kiorzox  a'Efng.
Yi  ee  zhux⁺nih  u  nilau  ee  amar.

         Yi  ee  pexbuo  ti  kuynax'nii-zeeng  ciu  koeasyn,  lorng  bolaau  cidtiafm'ar  zaisarn.

         Sofie   a'Efng  kab  yn-amar  koeatioh  zhengkhor  ee  jidcie.

         Yi   tuix  laang  u-lefmau  koq  cviaa-oe  thefthiab  padlaang.

        Yi  sisioong  khix  ciaokox  yn-zhwn⁺nih  teq  phoarpvi  ee  laang.

         Yi  lioxlioxar  bad  ioqzhao,  sofie  u  sikafn  ciu  khix  svoaf⁺nih  barn  ioqzhao  laai  ho  hiah'ee  pvixlaang  ciah,  afnny  tittioh  cidsut'ar  cvii  laai  uichii  amar  kab  yi  ee seng'oah.

         Hitsii,  ho  yi  sviuxtioh  cidhang  su,  ciuxsi  zhwn⁺nih  ee  hofgiah-laang,  Laau  Goangoe,  kwkuo  thezhud  cidpaq-niuo-giin,   korng,  na  uxlaang kvar  ti yn-taw  auxbin  hitkefng  zhuo'ar⁺nih  toax  cidmii,  ciu  boeq  ciofng  hit'ee  cidpaq-niuo-giin  saxng  ho  y.

          Hitkefng  zhuo'ar  si  iwmiaa  ee  kuy'og.       Bolaang  kvar  oar⁺khix.

           Zuxcioong  Laau  Goangoe  thezhud  hit'ee  sviwkym  ylaai,  ykefng  u  sva'ee  iofngzoxng  ee zapof-laang  khix  chix⁺koex.     Kietkor,  lorng ti kehtngr-zafkhie  ciu  ho  laang  hoatkiexn,  tor  ti  zhungoa  ee  chiuxnaa-lai  mxzailaang  koq  ykefng  khysiao.

        A'Efng  sviu,  goar  mxbad  zox  symmih'phvae  ee  taixcix,  goar  nar  tioh  kviaf  kuie?

         Afnny,  yi  ciu  khix  zhoe  Laau  Goangoe,  ka  y  korng  yi  boeq  khix  chiekhvoax-mai.

        Laau  Goangoe  tah'exng⁺yi,  ciu  theh  saochiuo  kab  miphoe,  kiox  yi  toax⁺khix,  thafng  ti  hitkefng  kuy'og  koeamii.
¡@

        Ciofng  miphoe  phohor  ti  binzhngg-terng.

        Thvy  iawboe  axm,  yn-amar  zwnpi  cidkoafar  pngxzhaix  ho yi  toax⁺khix.  korng  na  paktor  iaw,  ciu  thafng  ciah.

¡@     A'Efng  koq  toax  hitjit-expof  khix  barn⁺tngflaai  ee  ioqzhao,  phahsngx  ti hit'axm  thafng kerng,  in'ui  kehjit  tioqaix  cienlaai  ho  pvixlaang  ciah.

         Hutjieen  u  cidzun  lefnghofng  zhoef⁺laai.
¡@
        Yi  giaqthaau  khvoax,  zhuo'ar  ee  mngg  nar oe  boo+khix?   U  khvoarkvix  mnggoa  arm'axm,  hiaf  u  cidee  viar  tiaxmtiam  teq  laai.    A'Efng  sviu,  si  sviaflaang  ciahniq'axm  laq,  oe  boeq  laai  ciaf?

        Hit'ee  viar  teq  laai,  lorng  boo  khapo-sviaf,  ciu  kaux  ti  mngkhao.

        Si  cidee  zapof-laang.   Y  ee  bixnseg  chvipeh,  phvi-bak-zhuix  boexbeeng,  kvafnar  si  noa⁺khix  ee sithea.

        Y  kvafnar  zoansyn  bolat.     A'Efng  korng,  "Si  ioqzhao,  ho⁺lie."

       Ciu  siangchiuo  phorng⁺khylix   koankoaan,  kaux   y   ee  bixnzeeng.

        Ioqzhao  ee  phangbi  zherngkaux  hit'ee  oah-sithea  ee  phvi.

       Y  ee  bixnmau  ciu  cidsut'ar-cidsut'ar  beeng⁺khylaai.

        Koq  u  cidzun  hofng,  tuy  mngkhao  zhoef⁺jiblaai,  zhoe  tuix  hit'ee otong⁺nih.

       Y  toaxlat  suq  cidzhuix  ioqzhao  ee  bi,   ciaq  oe  khiaxzai.

        Y  bolat-bolat  korng  cidkux,  "Iaw . . . "        A'Efng  zaiviar  pvixlaang  na korng  'iaw',  ciu  tioh  kynkirn  ho  y  ciah.

        Yi  ciu  theqzhud  amar  ka  yi  zwnpi  ee  pngxzhaix,  kerng  khaq-nngr  ee,  theh  ho  y  thunjip  zhuielai.

         Y  ka  a'Efng  korng, "Laai!"  ciu  zorzeeng  zhw-jibkhix  otong⁺nih.

         A'efng  ia oh  y  eng  zhw⁺ee,  toex  y  jibkhix  otong  ee  laixbin.

         Hit'ee  oah-sithea  koq  korng,  "Laai!"   ciu  khafn  a'Efng  kaux  ti  cidee  khoahkhoaq  ee  hoehngg.

        Hiaf,  moar-hoehngg  si  ngseg  ee hoef.
¡@

            A'Efng  khvoax⁺tioh,  hoaq  cidsviaf  "Mxthafng!   u  tok!"   ciu  hionghioong  saf  y  ee  chiuo,   boboeq  ho  y  ciah⁺jibkhix.

           A'Efng  simlai  cviaa-kviaf.   Yi  mxzay  ui-symmih,  kantvaf  zaiviar  yi  tioh  kiux  hit'ee  laang.
¡@
           Yi   eng  zoansyn  ee  khuielat,  thoaf  y,  ciu  zao.

            Hitlaang  ee  sengkhw  si  hiahniq'khyn,  ho yi  thoaf⁺teq,  ciu toex  yi  khix.

          Yi  khvoartioh  thauzeeng  u  cidee  tong,  ciu  kynkirn  thoaf  y  jip⁺khix.

         Cidzun  hofng  tuy  auxbin  zhoef⁺laai,  yn  nngxee  ciu  afnny  tidtit  zhw⁺khix.

          Binzhngg  hofhor,  pexngboo  otong.

          Binzhngg-terng  hitniar  miphoe  pho-gaq  hofsex-hofsex.   Hit'ee  oah-sithea  tor  ti  thokhaf,  tiaxmtiam   mxzailaang.

          Tvaf  a'Efng  lorng  mxkviaf  laq.   Yi  ciu  tuix  kaki  korng,  "Y  mxsi  kuie,  y  si pvixlaang."

          Afnny,  ciu  ka  y  pho-khylaai  binzhngg⁺nih.

         Yi  eng  ioqzhao  ka  y  paw  thaukhag,  koq  siofsym  ka  y  pehkhuy  y  ee  zhuix,  eng  zhaethngf  ka  y  chi.

          Afnny  ka  y  ciaokox,  kaux  thvy  tehboeq  kngf  ee  sii,  a'Efng  huisioong  thiarm,  ciu  phag  ti  zhngpvy  khuxn⁺khix.
¡@

          Laau  Goangoe  hoftvar  oar⁺khix,  ciofng  hiah'ee  ioqzhao  poehzao,  cide  khvoax,  kviaf-cidtioo.      Ciu  toaxsviaf  hoahkorng,  "Zef  kiarm  mxsi  Bengzhofng  maq?   Svanii-zeeng  ho  thofhuie  liah⁺khix  ee Bengzhofng!"

         Bengzofng  si  Laau  Goangoe  ee  togsvy  ee  hauxsvy,  kaotvaf  lorng  boo  siausid,  ciu  sviuxkorng  cit'ee  kviar  ykefng  sie⁺khix  laq.

         Laau  Goangoe  ciofng  Bengzhofng  pho-jibkhix  zhuolai,  chviar  isefng  laai  ka  y  tixliaa.
         

       Y  chvie⁺laai  y'au,  lorng  sviu-boexzhud  y  koeakhix  svanii-laai  si  ti  tofui.     Togtok  kietid  y  ti  bangbaang  ee  tiongkafn,  u  cidee  zabor-gyn'ar  laai  ti  y  ee  pvi'ar  siofsym  ka  y  tvitoex.

       Hit'ee  ciuxsi  a'Efng.

       Zu  afnny,  yi  kab  Bengzofng,  amar,  koq  u  Laau  Goangoe  lorng  koeatioh  hexnghog  ee jidcie.

        Kiarm  uxviar  u  hit'ee  otong  ti  hiaf?    Na  boo,  hit'sva'ee  khix  hiaf  koeamii  ee  zapof-laang,  nar  oe  ti  pvoarmii  khix  ho  kuie  kviaf⁺tioh  ciaq  khysiao,  koq  ho y  sarngkhix-kaux  hngxhng  ee chiuxna'ar-khaf?

        Thvikaf-e,  laang sor-mxzay  ee  su,  sidzai  thaezoe  thaezoe  laq.