|
|
¡@¡@¡@¡@¡@¡@¡@¡@
-->
Folk
Tales, selection¶ ..
-->
EDUTECH
Index-T
*..
¡@Ti
Zanbuun-Khoef ee tefngliuu, kin svoaf
ee sofzai, u cidphvix ee zhawpof. U cidee
siaolieen-laang, muyjit thaozar ciu khafn y ee guu laai ciaf ciah zhao.
Y eng tiuxzhao zox cidky tadar, ti hiaf ee chiuxviar-khaf
punzhud iubie ee koatiau.
. . . .
*..
¡@Khoef
ee tuiehvoa hitpeeng, u cidkefng zhux.
Hiaf u khiaxtioh cidee lau-akofng kab y ee zabor-swn.
Cit'ee zabor-swn cviagaau citpox; thafng korng
si cidee citluo. Yi tagjit pviarsex citpox,
ho yn-akofng theqkhix haypvy ee zngsia, boe laai zox
seng'oah ee huie'iong.
. . . .
*..
¡@Yi
kwkuo ylaai, sisioong thviatioh
hngxhng ee tuiehvoa sor-thoaan+laai
ee tadar-sviaf. Tngf
uxcidjit, yn-akofng zhutkhix zngsia ee sii, yi cidlaang kviazhud
mngkhao, kviaa kaux khoepvy.
Hioxng tuiehvoa hitpeeng khvoax, ciaq zay si
cidee guloong teq puun tadar.
. . . .
*..
¡@Khafn
guu ee hit'ee siaolieen-laang ia hoatkiexn-tioh tuiehvoa
u cidee siaoluo, ciu khylaai kviaa-kaux khoepvy.
Yn nngxlaang bin-tuix-bin, kehtioh hittiaau khoezuie, cidsii
mxzay boeq korng symmih. Kynkirn ee khoezuie,
tidtit teq laau. Guloong kiox cidsviaf,
"Of . . ix!", Citluo ia hoetab y cidsviaf "Haf . .
ix!". Yn ee svia kab khoezuie ee
sviaf viuu-zorhoea, tuix exthaau
hitpeeng thoaan+loqkhix.
. . . .
. . .
*..
¡@Zhunthvy
ee sizun, Zanbuun-Khoef ee zuie ciaxmciam cior, ar hit'ee
zhawpof ee zhao lorng cviazox chvizhuix
koq phafng. Thaozar, Guloong ciofng guu khanlaai-kaux
hiaf, y ciu giaqthaau khvoax tuiehvoa, khvoax
Citluo si-mxsi zhutlaai ti mnggoa.
. . . .
*..
¡@Ti
zhuolai ee Citluo na thviakvix
tadar ee sviaf cidzun-cidzun teq thoaan+laai,
yi ciu ciaxmsii parnghe citpox-ky, hioxng thang'ar-goa khvoax.
Yi ee sym, ykefng poekhix-kaux khoepvy.
. . . .
*..
¡@Akofng
simlai zaiviar
yn-zabor-swn ee simsu; y pexngboo kofngzhud, ar kwkuo zngzox
m-zaiviar. Y tuy simlai hvoahie
cit'ee hoattiern, tiaxmtiam ciok'hog yn-nngxlaang oexthafng kiet'hap
laai cviazox hexnghog ee angbor.
. . . .
*..
¡@Tngf
Citluo ee khangkhoex soaq, ar cidlaang zao-zhutlaai khoepvy
ee sii, Guloong ciu kynkirn liauzuie, tuy tuiehvoa laai citpeeng,
kab yi sionghoe. Yn zorhoea ze-teq kofng'oe,
yn u hiahniq'zoe ee oe thafng korng. Yn korng-kaux
yn ee cionglaai, yn korng-kaux hit'ee byle-zharnlan ee khoaelok-jinsefng.
Khinkhyn ee svoahofng zhoef+laai,
ar khoepvy zhawar-terng u peh+ee,
ngg+ee kab cyseg ee
otiap te poelaai-poekhix.
. . . .
*..
¡@Boo-joaxkuo,
Citluo-simlai ee cit'ee khoaelok, khiog ui cidhang put'heng ee hoatsefng
ciu boeq tng+khix.
Hit'ee hiahniq'thviarsioq
yi ee Akofng, kerngjieen ti hit'ee joaqthvy, tngf y tuy zngsia
tngr+laai ee
sizun, ti loxtiofng poaqtor, ciu phoarpvi
laq. Afnny kuynax'jit, Akofng juo-laai juo-larm.
Zoea'au ti cidee armthau'ar, y ti zhngterng, khantioh Citluo kab
Guloong ee chiuo, ciok'hog yn cionglaai ee hexnghog, ciu anzeng tngxkhuix.
. . . .
. . .
*..
¡@Chitgoeh
ee jidthaau cviaa-kngliang.
Guloong iao si thaozar ciu khafn guu kaux Citluo ee zhux ee tuiehvoa,
ho guu ciah zhao. Thviterng u peqhuun, chinchviu
kauxkau ee mithoaan, khinkhyn poef+koex.
. . . .
*..
¡@Hitjit
si chid-goeh chid-jit, Citluo thviakvix
Guloong ee tadar-sviaf ciu zhud+laai.
Khongkhix sipsib, zhawar-terng u loxzuie. Zaxmii svoaterng
kvafnar u loqho.
. . . .
*..
¡@Guloong
khvoartioh
Citluo zhud+laai,
ciu ciofng guu paxng ti zhawpof, sviuxboeq
liauzuie koealaai citpeeng-hvoa. Khoezuie
u khaq-kirn, mxkuo Guloong zaiviar boeq afnnar liauzuie
ciaq khia-oexzai.
. . . .
*..
¡@Tngf
y liauzuie kaux pvoarlo-hng
ee sizun, hutjieen thviatioh cidzun ee koaesviaf,
tuy khoef ee tefngthaau-hitpeeng thoaan+loqlaai.
Guloong theeng+loqlaai,
giaqthaau khvoax tefngliuu.
Hai+laq !
Cidtng-goa-koaan ee khoezuie kvafnar
hay'erng, pekkin+laai
! Guloong khvoartioh
hef, kuisyn-laang lorng lerng+loqlaai.
Boeq cixn, boeq thoex, ykefng boexhux laq !
Svoaterng ee zuie, zox-cidhoea,
lorng pviax+loqlaai.
Zuie chiofng tuix Guloong ee hefng+nih
laai. Y tidtit iaq, boeq khiaxzai+khylaai.
Mxkuo zoexzoe cioqthau'ar kab chiuxky-zhaphex koxng
tuix Guloong ee khaf, iof, kab sengkhw ee tag'sofzai.
Itzhadnar, y symmih toh m-zaiviar
laq. Kuisyn-laang ho svoazuie chiongkhix-kaux
hngxhng.
. . .
*..
¡@Ti
mngkhao-goa ee Citluo khvoartioh
zef, hoaq-cidsviaf, kynkirn zao+laai.
Yi boeq zawkhix kiux Guloong. Yi tidtit zao tidtit
kiox, ientioh khoehvoa
tidtit tuy. Zuysex juo-laai juo-koaan, cide boo-siofsym,
Citluo ia soax ho svoazuie kar-jibkhix khoelai.
. . .