[連載史話]
李筱峰 教授 著: 台灣史
(12)二二八事件
二二八事件;  四萬元換一元
●  回  目   錄
台語文  (MLT/TMSS) 原 文
(,[下段]
228-Suxkvia
    1947-nii 2-goeh 27-jit-axm, Taipag-Chi Ienpeeng-Pag-Lo hoatsefng Zoanboe-Kiok ee Zhacib-Oaan phahsiofng cid'ee zabor-boex'iefn+ee, ar toxtix phahzhexng-phahsie bincioxng ee miax'axn.   28-jit, Taipag-Chixbiin hioxng siongkoafn kikoafn khornggi ar boo-kietkor, hoafntngr siuxtioh Hengzexng-Tiofngkvoaf-Kongsuo eng kikoafn-
zhexng saosia.   Afnny, zengsex it'hoad-lansiw, khoktiern-kaux zoantor.   Koktoe cidsii khie hoafnkhoxng ee poxtong, zoantor lorng khie saotong. 
    Suxkvia ee hoattiern, suntioh nngxtiaau loxsvoax cirnheeng, cid'ee si bwzofng-khorngzefng ee loxsvoax, cid'ee si zerngti-kausiap ee loxsvoax.   Cienciar sor-cie ee si zhut'hien ti kok'chixtixn ee bwzofng-binpefng, hiorngtioh hiernkerng-kikoafn ee kongkeg-hengtong;  kitiofng u poxhun ee laang khix phaq Taixliok-laang laai siap'hun.   Hoxciar sor-kie ee si iuu bin'ix-taixpiao kab toexhngf-susiin sor-zoseeng ee "228-Suxkvia 
Zhwlie Uy'oaan-Hoe", khix 
kab Hengzexng-Tiofngkvoaf 
Taan Gii 
kausiap siexnho-zhwlie ee suxgii, koq cixn-cidpo thezhud zerngti-kaykeg ee iaokiuu. 
    Ti "228-Suxkvia Zhwlie- Uy'oaan-Hoe" ee kausiap kab oatsoaan ee kietkor, zexngheeng ciu baxnbaxn'ar wnteng+loqlaai.  Mxkuo, Taan Gii ciu tuietioh  "228-Suxkvia Zhwlie-Uy'oaan-Hoe" sor-thezhud ee zerngti-
kaykeg, piawbin-siong kef'viax
korng boeq khoflu, koq korng, bincioxng na u jixmhoo ee iekiexn, lorng thafng kengkoex Zhwlie-Uy'oaan-Hoe laai thezhud, ciu boeq ciaplap laai kaycixn; y khiog cid'hongbin phaq tiexnpox hioxng Lamkviaf ee  Tiong'iofng-Zernghuo zhefngkiuu phaepefng lai'Taai. 
    Kok'huo-Zwsek Cviuo Kaesek thviasixn zaix'Taai ee Kunsu-Tegbu-Jin'oaan ee itbin-cy-suu,boxjieen haepefng lai'Taai.
    3-goeh 8-jit-axm, Kok'huo ee kuntui hoxngphaix laikaux Taioaan, ciu tiefnkhuy tirn'ab, khaisie thailaang.   Jien'au, 
koq lix'iong "zhenghiofng" ee miagi, cirnheeng zoantor-sexng ee liaqlaang kab tosad.   Taioaan-siaxhoe ee zeng'efng zhaputtof lorng isefng-liawliao,
bincioxng ee siongboong ia zhafmtiong, syboong-jinsox iokliok 1-ban kaux -ban-laang.
    228-suxkvia toarlaai ho Taioaan-laang ee, mxna si kaf-phox jiin-boong ee pikek, iao ui Taioaan ofngho ee zerngti kab siaxhoe zerngha chimku ee efnghiorng.   Cid'hongbin, Taioaaan-laang ee serngkeq siuxtioh giamtiong ee liwkhiog, koeakhix ittit ti goaxlaai- sidbiin-thofngti-ha ee Taioaan-laang hiefntid kohkhaq pikhud-zuxjiok, zhuozhux lorng mxkvar uikhoxng thofngti-ciar, laai bokiuu anzoaan-zuxpor ee loxle-serngkeq.   Koq cid'hongbin, Taioaan-jinbiin tuix zerngti safnsefng kviahviaa, hoesym, kab zoadbang.   Citkhoarn, tuix 
zerngti ee khiornghoong kab lefngbok-karm, iwli ti Kokbiin-Torng ee it'torng-
zoanzex, ar putli ti binzuo-
hiernzexng ee hoattiern.
    Zaix^iar, Taioaan-siaxhoe ee lefngto-kaizaan siuxtioh kafkhofng, ciu hongpien-tioh Kokbiin-Torng ee thofngti.   Zoexzoe kiap'au-usefng ee siaxhoe-zeng'efng boo-goaxn'ix koq zham'uo zerngti, afnny, toexhngf-zerngti-thefzex khie
kaypiexn;  loatpex khutiok liongpex, thofhoo-loatsiin,
oto-lomoaa, toexhngf-
zerngkheq, tiogciam cirnjip toexhngf-zerngtvoaa.  Taioaan ee okym-zerngti ti 228-suxkvia liaw'au,ciu ykefng baiha huopid.
    228-suxkvia ho Taioaan-zeng'efng zoexzoe lorng siu tosad, yn na oah ti pad'ee sisiin, koq na thafng oah ti zerngsioong ee kokto+nih, yn engkay oethafng zoseeng cid'ee kienkioong ee laixkoq.   Cviaa-khofsioq, yn-muy'cid'ee oah-thiaothiaux ee 
engleeng khiog lorng ofngsie ti sof'ui ee 'zofkog' ee zherngcie-
ha.   Zef si Taioaan efng'oarn boextaxng bipor ee swnsid.   Mxkuo, suxkvia y'au, syn ee Taioaan-ieseg kohzaix 
gengcip, cviazox ciern'au Taioaan-toglip-uxntong ee laxmsiofng.
(
4-Ban-Khof vOa 1-Khof
   228-suxkvia liaw'au, oksexng ee thonghoex-phengtioxng kefngkaf piernpurn-kale, zef si in'ui hitsii ti iongkog-Taixliok 
ee Kog-Kiong-Laixciexn pviecviaa kohkhaq kegliet, Taioaan ee budzw siuxtioh kiongzex uxnkhix Tiongkog-
laixtoe, khix ciapzex Kokbiin-
Torng ee kuntui.
    Tiongkog-Taixliok-siong ee 
kengzex, biexnliim panghuix, ar oksexng ee thonghoex-
phengtioxng pie Taioaan kohkhaq lixhai.  Afnny, Taioaan ciu siuxtioh yi ee lienlui. Ciern'au zoxseeng Taioaan ee thonghoex-phengtioxng ee nngxee zw'yn lorng si goaxlaai ee: ciuxsi (1) Taioaan-ginhaang eng Serng-khox ee kakseg, ciartioh thonghoex ee hoat'heeng ee zexngkaf, laai tiaxmhux Tiong'iofng-Zernghuo ee kok'hang tiaxmcie-khoafnhang;
(2) Taioaan-Ginhaang eng Hoatpex (auxlaai kayzox Kim'oaan-Kngx) zor'uii hoat'heeng-zwnpi, koq Ku-Taipex kab Hoatpex ee tiongkafn zhayzhuo kofteng ee hoealut, sof'ie Hoatpex kab Kim'oaan-Kngx ti Taixliok ee oksexng thonghoex-phengtioxng- ha ciu ciartioh kofteng-hoexlut 
laai sujip Taioaan, zoafnpiexn laai cviazox Taipex ee oksexng thonghoex-phengtioxng. Afnny, ciu toxtix liensiok-sexng koq 
toa-pakto ee budkex-sioxngtioxng, zorseeng "1-jit-3-chi" ee hiexnsiong.   Hit'tngsii, zngf cid'moate ee Taipex boea 
cid'voar mi ee zexngheeng zoadtuix mxsi siawsoad-kaf sor-loaxnkorng ee.
   Taioaan tuy sof'ui ee "konghok"-au kaux 1949-nii ee
tngtiofng, budkex ciu khie
7000-goa-poe.
    Zef cviarsi chinchviu Suo Beeng sor-korng:  "Ti citciorng thonghoex kegtoafn huxnloan ee kiogsex-ha, Taioaan-laang cy'u bagciw khvoartioh kaki ee hoehkvoa ee kietcvy ho hiah'ee nar khangzoar ee koangiah-pwnphiox liogtoad thaixcin, kaki khiog kipsog haxmjip sarnchiaq, iaugo kab sitgiap ee chim'iefn+
nih."
     Boeq ekzex thonghoex ee oksexng-phengtioxng, pitsw tioh siefn khorngzex hoeapex-
kiofngkip-giah ee zexngkaf. 
Boeq khorngzex hoeapex-kiofngkip-giah ee zexngkaf, pitsw tioh chiettng-tiau kab cienbin sor-korng ee nngxhang goaxlaai ee putli insox ee koanhe.   1949-nii 6-goeh 15-jit, Taioaan-Serng-Zernghuo ciu sid'sy hoeapex-kaykeg.   Ti ciaf, khaisie hoat'heeng syn-Taipex, zef si "eng 4-ban-khof ee ku-Taipex thang'voa 1-khof" ee. 
    Syn-Taipex hoat'heeng boo-joaxkuo, Kokbiin-Torng-Zerngkoaan ciu thietthoex laai Taioaan;  Taioaan ee zerngkox kengzex-thefhe ciu kab Tiongkog ittof-liofngtoan laq.    Peazex-kaykeg-au ee zhokii, hoeapex kiorngkib-lut korjieen iao si u-khaq-koaan, taxnsi hoeapex ee liuthofng-sokto ciu khaisie haxkaxng, chviwboea kab twnzeg ee zengheeng ykefng kaysien cviazoe.    Jit-ti-sitai sor-khaihoad ee longkofng-safnphirn ia ciaxmciam hoehok oaqlek.   Ti 1950-nii ee e-pvoarnii khaisie, By'oan ee budzw laai laq.   Budkex ee sioxngtioxng-lut ia ciaxmciam karngke, afnny Taioaan ciaq tiogciam toxkoex hittvoa Taioaan-kengzeasuo-siong o'axm-hunhoef ee soeagoat. 
原著: 李筱峰教授        台文翻譯: 林繼雄教授