[連載史話]
 
李筱峰 教授 著: 台灣史(7)民間風紀成形
  開港通商;  西教西醫西學的傳入
●  回  目   錄

台語文  (MLT/TMSS) 原 文
(,[下段]
Khuikarng Thongsiofng
    19-seakie ee 20-nii-tai, iu'uu Taioaan ee muii, liuhoong, 
cviulor, terng ee budsarn yn'iuo Engkog, Bykog terng ee se'viuu liedkioong, ho yn khy'ix boeq jiafmcie Taioaan.   Zu 1860-nii
y'au, Zhengkog siuxtioh nngxpae ee Efng-Hoad-lienkwn-cy-iah, 
siu-peg texng'iog.   Liedkioong iaokiuu ti Taioaan khuy kafngkhao, Zhengkog ciu khuy Anpeeng kab Taxmzuie zox zerngseg ee thongsiofng- kafngkhao. 
    It'hioxng pie'koafn-zuxsiuo ee Zhengkog, khvoax khuikarng 
kvafnar siu-koahbaq, sof'ie ciu
m-goaxn'ix zoexzoe khuikarng.
U cid'ee zuxzai Hokciw ee Hoatkog-lang Soeabu-Sw ciu
tuix citkvia taixcix zox tvoasexng ee kaysoeq, korng:
"Kafngkhao hunzox "Cviax-
khao" kab "Kviar-khao", hap-khylaai si cid'ee kafngkhao.  Taxmzuie si cviarkhao, Koelaang si Taxmzuie ee kviafkhao; Anpeeng si cviarkhao, Tvafkao (hiexnkym ee Kohioong) si Anpeeng ee kviafkhao.  Sof'ie pexngboo khuy khaq-zoe ee kafngkhao." 
    Cit'ee tvoasexng ee kaysoeq ho goanlaai ee nngx'ee kafngkhao pviecviaa 4-ee.   Tngnii ee kviafkhao Koelaang kab Kohioong lorng ti auxlaai hoafntngr cviazox Taioaan ee nngx'ee toa-kafngkhao.
    Taioaan khuikarng liaw'au, buxnhofng ciu laai iaokiuu thongsiofng ee kokkaf u: 


Engkog, Bykog, Tekkog, Photogaa, Holaan, Sepangaa, Pylixsii, Ie'taixli, Tanbeh, Jidpurn, Ortaixlix'af, Pylu, 
Pasef terng.    Hit'tngsii, zoankiuu ciaq u 130-kuy'ee kokkaf, khokiexn lai'Taai thongsiofng ee kokkaf ciu ciarmliao zhaputtof cidpvoax;  paukoad tngsii Aubie ee zw'iaux kokkaf.
    Zu-afnny, Taioaan ee box'ek kohzaix synsog khoktiern+
khylaai, ti 1870-nii-tai Taioaan ee zhutkhao ciu kynkirn zexngkaf.   Box'ek-suxnzhaf ee hokto tiognii khoktoa.   Zhutkhao-liong tngkii pofchii ti cirnkhao-liong ee cidpoe-goa.  1868~1893-nii ee 20-nikafn zhutkhao zexngkaf-liao 10.5-poe.   1860-nii kaux 70-nii-tai tiongkafn, toaxphoef ee goaxsiofng 

iofngjip Taioaan, Ciah'ee viusiofng toartioh sionggiap-
zupurn laikaux Taioaan khuipan siongkoarn kab viuhaang ciongsu box'ek.
    Zhefng-boadkii (1858~1895),
Taioaan tuiegoa-box'ek zw'iaux si thngg, tee kab cviulor-iuu,
zhutkhao-khix Aubie, Jidpurn, Hoapag ykip Orciw terng toe.
Kitiofng, Taioaan zhutsarn ee cviulor bad ciaxm zoaan-seakaix zorng-safnliong ee 70%-ysiong.
Lieen Bykog Holliwood tiexn'viar zeaphvix-tviuu teq eng ee cviulor-iuu lorng si tuy Taioaan zhutkhao+khix ee.
    Box'ek hoattiern ee kietkor, ti siuxtioh box'ek gegzhaf teq 
khwnkhor ee Zhengkog-kefnglai,
cy'u Taioaan zu 1878-nii ciu zhut'hien box'ek-suxnzhaf.   Taioaan ee hay'viuu-bunhoax-
sexng kohzaix tittioh zerngsit.
   Iu'uu sor-kudkhie ee tee kab
viulor ee safntoe lorng ti tiong'pakpo, Taioaan ee kengzex-tiongsym ciu tiogciam soafkhix pakpo.   Ar zef ia cixn-cidpo toartong zerngti-
tiongsym ee pak'ii. 
(
Sekaux, Se'y, Sehak ee Thoanjip
    Taioaan khuikarng liaw'au, Kitog-kaux ia zaeto thoanjip Taioaan.   Laam kab pag hunpiet u Engkog-Sokheklaan Tviwlor-Kaohoe kab Kanaftai Tviwlor-Kaohoe tielek ti thoankaux ee oaqtang. 
    Zu-afnny, Tviwlor-Kaohoe


 Kitog-kaux ciu cviazox ti Taioaan ee zwliuu kaophaix.   Tuy bunhoax-thoanpox ee koantiarm laai khvoax, hef ka Taioaan toarlaai syn-tieseg,
syn-iliaau kab syn-kaoiok, tuix binkafn-tieseg ee khefhoad kab tuix siaxhoe ee piernkeg u y sor-boextaxng boabiet ee efnghiorng.
   1865-nii-tiofng, Ihak Phoksu Mar Gvafkog (Dr. James
L. Maxwell, 1835-1921) terng laang, zerngseg siu Engkog-

Sokheklaan Tviwlor-Kaohoe 
ee haygoa-Soanto-hoe ee zhekhiexn laai Tvafkao (hiexnkym ee Kohioong) ykip Hwsviaa (hiexnkym ee Tailaam) thoankaux-heng'y. 
   Y khythaau lai'Taai ee sii, siuxtioh cviazoe ee phaithied kab bwjiok, mxkuo y oqtioh itkhao liuli ee Hoxlor-oe (Taioaan-oe) ka tongtoe ee bincioxng iliaau-tixpvi, tongsii ia porto.   Afnny, laai kiu'y ee, jidjit zexngkaf, ar khaisie sirnkaux ee laang ia ciaxmciam khaq-zoe+khylaai.  Y ti Tailaam heng'y ee ikoarn, ti 1868-nii zhorngsied, si hiexnkym ee Tailaam Sinlaau-I'vi.   Ti ciaf, mxna tiexnteng-liao Tviwlor-
Kaohoe ti Laam-Taioaan ee kizhor, ia khaikhea-liao Taioaan seviuu-ihak ee lebeeng-kii.
    Zhw'au koq u hagciar-bogsw 
Kafm Uiliim (Rev. Dr. William Campbell) lai'Taai thoankaux.  Y
tegpiet tielat ti bongjiin-kao'iok
kab hokli-suxgiap.   1875-nii, koq u Paf Kheklea Phoksu (Rev.
Dr. Thomal Barclay) laai; y si 
Tailaam Sinhak-vi ee zhorngpan-jiin, ia si "Taioaan-
oe Lomafji <Serngkefng>" ee hoan'ek-ciar.   Y yncixn seseg ee irnsoad-sut, zhorngkhafn <Taioaan Hwsviaa Kaohoe-Pox> (1885-nii 7-goeh), zef si Taioaan zoeazar u hiexntai-serngcid ee porzoar ee jit. 
    1883-nii-toea, Uu Jiaulie 
(George Eede) ia laai Taioaan, ar ti nngxnii-au zhorngpan "Tviwlor-Kaohoe Tionghak",  zef si ti Taioaan ee thaau-1-
kefng tionghak, si hiexnkym ee Tiofng'eeng Tionghak. 

   1887-nii, Zw Iok'afn Koniuu (Miss Joan Stuart) kab Buun Afn Koniuu (Miss Annie E, Butter) laai zhorngpan "Tailaam Lwhak", si Tailaam Tiofng'eeng Lwzuo-Tionghak ee ciensyn.
   Thaokoex iliaau kab bunhoax-kaoiok, Kitog Tviwlor Kaohoe

ti Zhengtiaau-boadkii ee Laam-
Taioaan ykefng zaihor hiexntai-bunhoax ee zefngcie.
    Korng-kaux Pag-Taioaan ee thoankaux, tongjieen tioh thekhie Mar Kay (Rev. George Leslie Mackay). 
    Kanaftai-zek ee Kitog 
Tviwlor-Kaohoe bogsw Mar Kay, ti 1872-nii 3-goeh tuy Taxmzuie cviuxhvoa.  Kab lampo ee Mar Gvafkog siosiang, y ia kengsioong siuxtioh bincioxng ee bwjiok, mxkuo y iao ixmjiok-huxtiong, hioxng chixguu ee Taioaan gyn'ar oh Hoxlor-oe (Taiguo).  Mar Kay eng Taiguo thaau-cidpae laai zerngto y'au, ciu khaisie zhutparn cidpurn <Sef-Taai Sutiern>.
    Mar Kay cidbin porto, cidbin ti tongtoe ciongsu khykhof-iliaau ee kangzog.    Y khix Kanaftai boxkoafn laai ti Taxmzuie kiernlip "Hofboea Kay-Ikoarn".
Zef ygoa, koq tielek ti hiexntai-
kaoiok ee thuikorng.   Y uixliao boeq paxnhak, ciu tngfkhix korhiofng Gutyn-Kun boxkhoarn,
ar ciu ti Taxmzuie zhorngpan "Gutyn Hagtngg" (1882-nii 7-goeh,Oxford College).  Ti ciaf sor-kax ee khortheeng, tuliao sinhak ygoa, iao u legsuo, luxnlie, thienbuun-hak, toexcid-hak, toxngbut-hak, sidbut-hak, khorngbut-hak, senglie-hak, oexsefng-hak, 
kayphor-hak, ihak, limzhngg-sidsip, imgak, thefzhaw, 

tengterng, cviaa-huo'iuo sinseg-kaoiok ee tegseg, zef ia si Taioaan zoeazar ee hag'vi. 
    Y ciab+teq, ciu koq sietlip Taioaan thaau-1-kefng lwzuo-haghau, ciuxsi Taxmzuie  Luo-Oqtngg.   Toe-1-kaix, zofngkiong siw 34-ee luo-hagsefng, toa-poxhun si Gilaan-Toexkhw ee Katmaflaan-Pvipof-zok.   Citkefng Taxmzuie Luo-Oqtngg ciuxsi Taxmzuie Tionghak ee ciensyn.


原著: 李筱峰教授        台文翻譯: 林繼雄教授