U-cidee  hofgiah  ee  lau-toaxlaang,  y  lorng  mxbad  ji.

U-cidjit, cioq  cvii  ho  laang,  ciu  kiox  hit'ee  laang  siar  ciohkux.
Hit'ee  laang  ciu  siar:  "Kaux  auxgoeh  ee  zhoe'go,  goar  tekkhag  boeq  zoanpo  heeng-zhengzhor." 

Kihan  kaux,  hit'ee  lau-toaxlaang  ciu  tuix  hit'ee  laang  korng:
"Cioq^lie ee hittiaau  cvii,  kin'afjit  kaokii  laq.   Lie  tioh  heeng^goar."

Zeazuo  ciu  korng:
"Iawboe  kaokii^aq.    Ciaf  u  siar  korng  auxgoeh  ee  zhoe'go  ciaq  boeq  heeng^lie.    Kin'afjit  si  cit'goeh  ee  zhoe'go.    Iawboe  kaux  auxgoeh  ee zhoe'go  maq."

U-cidee  zabor-laang,  yn-afng  sie,  ciu  teq  kefkhaux.

Yi  phoxtioh kvoazha'thaau,  tidtit  khaux.
Hoaxnna  khvoarkvix  uxlaang  laai,  yi  ciu  khaux  khaq-toaxsviaf, korng: 
"Goar  khor^aq,  goar  khor^aq.    Goar aeboeq  toex  lie  khix. 
Lie  nar  boboeq  zhoa  goar  khix  leq?" 

Twtuo  yi  chvizharm  teq  khaux  ee  sii,  yi  ee  thaumngg  soax  khix giab  ti  zhaphang,  ciu  kviaf-cide,  kaykhao  hoahkorng,
"Lie  mxthafng  khiuo^aq,  mxthafng  khiuo^aq,  goar  bo'aix  khix.
Goar  si  bofngkorng  ee  laq."

U-cidee  cviaa-sarnchiaq  ee  laang,  u-cidjit  twtioh  cidee  hofgiah-laang.
                             
Hit'ee  hofgiah-laang  ka  y  korng:
"Lie  na  ho  goar  phahsie,  goar  ho  lie  cidzheng'khof,  hor^boo?" 

Sarnchiaq^ee  sviu  cidkw'ar  ciaq  korng:
"Chviar  lie  ho  goar  goxpah'khof,  goar  ciu  ho  lie  phaq  kaux  pvoarsie."

U-cidee  gyn'ar  khaux-tngrlaai  ka  yn  lauxbuo  korng:
"Afnniaa,  uxlaang  chiox  goar  korng:  'Paykhaf^ee,  cid'khaf  khaq-toea!' "

Lauxbuo  ixn  y  korng:
"Lie  maix  zhab^yn.    Lie  boviar  cid'khaf  khaq-toea.
Putkox  u-cidpeeng  khaf  khaq-tngg  cidtiafm'ar  naxtvia."

U-cidee  tarngsngf-kheq,  u-cidjit,  tuy  goaxkhao  tngr^laai.    Y tngflaai  kaotex,  ciu  suisii  tor^loqkhix.

Zhuolai  ee  laang,  khvoartioh  afnny,  hoanlor   y  si-mxsi  phoarpvi  laq, ciu  mng  y  korng:
"Thaukef^aq,  lie  afnnar  laq? 
Si  u  tofui  mxhor,  si^m?" 

Y  ixn-korng:  "Aix,  kin'afjit  goar  zao-ciaf  zao-hiaf,
Bo'eeng  thafng  tngflaai  ciaqpng;   iaw-kaq  toxng-boextiaau." 
Zhuolai  ee  laang  ciu  korng:
"Na  afnny,  kirn  laai  ka  lie  zhoan  png,  hor^boo?" 

Y  ioo-chiuo  korng:  "Mxthafng, mxthafng.
Ciahniq'iaw  ee  sii  ciaqpng,  kvia'ar  oe  ciah-thaezoe^khix." 

U-cidee  laang  khix  yn-peng'iuo  ee  zhux   chitthoo.
Ti  tiongtaux  ee  sii,   tarngsngf  ee  zwlaang kvialiao  tioh  chviar  y  ciaqpng,   kaki  thauthau'ar  jibkhix  laixbin,  ciaqpar  ciaq  zhut^laai.
Langkheq  korng:  "Lie  ee  zhux  cincviax  toaxkefng  koq  hor;
khofsioq,  piaq^nih  khangkhag." 

Zwlaang   thioqkviaf,  ciu  mng  y  korng:
"Lie  nafoe  zaiviar  leq?"

Langkheq  korng:  "Peqhia  thauciah."

Zwlaang  korng:  "Goar  to  boo-khvoax^kvix  leq."

Langkheq  korng:  "  Ti  laixbin  thauciah, 
goaxkhao  ee  laang   nar   khvoax-oextioh  leq.
Khioksi  zayviar  natvia." 

U-cidee  koaxntviuo,  zox  svijit. 
Ti  hit'ee  koaxnhuo  ciaq-thaulo  ee  laang,  thviakvix  koaxntviuo  si  sviux-zhuo  ee,   ciu  taixkef  zhutcvii  khix  phaq  cidee  kvafnar  sidzai  ee   kym-niawzhuo,  saxng  ho  koaxntviuo  zox  lefmih. 

Koaxntviuo  khvoax^tioh  ciu  putcy'ar  hvoahie,  korng:
"Lirn-taixkef  cyn-gaau  sietsviu.   Lirn  kiarm  zay,  goarn-bor  ee  svijit  ia  tehboeq  kaux;     Hef,  iao  u  gox'lagjit." 

Zernglaang  ciu  mng-korng:
"Koaxntviuo-hujiin  si  symmih'nii  svy^ee?   Si  sviux  symmih'svisiong leq?    Chviar  li  korng  ho  goarn  zay."

Koaxntviuo  ciu  toaxsviaf  korng:
"Yi  kiarm  goar  chit'hoex.   Si  sviux  toaxciaq  guu  ee."

U-cidee  khitciah  kefzox  efkao,  ti  lo^nih   teh  ka  laang  thofciah.
Y  putsii  eng  chiuo  kie  chiwlai  ee voar,  koq   kie   zhuix,  ar  ai'ai'kiox. 

U-cidjit  hit'ee  khitciah  theh  cidkoar  cvii   khix  taq  ciuo.
Ka  ciuo  limliao,  ciu  korng:   "Koq  laai  taxmpoq'ar." 

Ciwtiaxm  ee   laang  mng-korng:
"Lie  kiarm  mxsi  it'hioxng  lorng  boe  kofng'oe  ee  maq?
Kin'afjit  nar oe  kofng'oe  laq?"

Khitciah  ixn  y  korng:
"Goar  kaotvaf  lorng  bocvii,  nar  oe  kofng'oe.
Kin'afjit  u  taxmpoh,  sofie  ciaq  oe  kofng'oe."

Cid'sofzai  u  nngxee  ang'afbor  cinhor.
Afng  u-cidjit  boeq  zhutmngg  khix  pad'sofzai,  ciu  mng  yn-bor:
"Goar  ti  goaxbin,  naf'oe  zaiviar  lie  ti  zhux^nih  uxteq  sviu^goar  iar  boo."

Yn-bor  ciu  korng: 
"Zef  kiarm  mxsi  cinhor  zaiviar  ee  taixcix  maq. 
Lie  na  phahkhachviux,  ciuxsi  goar  teq  sviu  lie,  cit'ee  afng."

Y  ciu  khysyn  zhut'hoad,  kaux  sviaa-mngkhao,  khvoartioh  cidee  hoesviu  teq  laai.    Y  hutjieen  phaq  cidee  khachviux.

Y,  simkvoaf-lai  ciu  sviu  korng:
"Lor^aq.   Goar  ciaq  zhutmngg,  goarn-khanchiuo  ciu  teq  sviu 
hoesviu  laq."

Y  ciu  kvoafkirn  zao^tngfkhix.    Y'au  lorng  mxkvar  koq  zhutmngg.

U  nngxee  chyn-hviati,  kongkef  zhutcvii  boea  cidsiafng oee.

Toaxhviaf  ti  jit^sii  zheng  hef  zhutmngg.   Na  mxsi  zhutkhix  zhoe^laang,  ciuxsi  khix  hux-iexn.

Siofti  sim-lai  boo-hvoahie,  ciu  sviuxzhud  cidee  zuo'ix.
Y  muy'axm  zheng  hitsiafng  oee,  ti  tviaa^nih  kui'axm  teq  kvialaai-kviakhix.

Afnny  koex  kuyjidar,  hitsiafng  oee  soax  phoax^khix,  boe  zheng^tid  laq. 

Toaxhviaf  korng:   "Larn  kohlaai  boea  cidsiafng,  hor^boo?"

Siofti  ciu  korng:
"Lie  cidee  laang  khix  boea,  ciu  hor.     Goar  bo'aix  zheng  laq.
Goar  sidzai  cyn-aekhuxn.   Ai'ioq,  cyn-aekhuxn  ox ...."