).(.Old  Taiwanese  Jokes  (11~20)
 .   .   .    .   .   .    .   .   .    .   .   .    .   .   .  to Title Selection                    to EDUTECH Entry-Page
(.11.  Thaukhafn  Guu^ee

U-cidee  hoaxnzoe  teq  giakee^ee,  ho  peng'iuo  khvoax^kvix. Peng'iuo  ciu  mng  y:
"Lie  zox  symmih  phvaytai  ciaq  oe  afnny  leq?"

Y  ciu  ixn  y  korng:
"Goar  tuy  koef^nih  kengkoex  ee  sii,  u  khvoarkvix  ti  thokhaf  u  cidtiaau  zhawsoq,  goar  khvoarzox  boo-loxeng  ee  mih,
ciu  ka  y  khioq^khylaai,  theh  ti  chiuo^nih  kviaa.
Afnny  soax  ho  laang  zhuohoat  kaux  citkhoarn."

Peng'iuo  mng  y  korng:
"Kantvaf  khiohtioh  hitkhoarn  ee  zhawsoq  natvia,  nar oe  pviekaux  ciahniq'toaxsu?"

Giakee^ee  ciu  korng:
"Lie  mxzay  laq.   Hittiaau  soh'ar-boea  u  pak  siofkhoar  ee  miqkvia  ti^teq."

Peng'iuo  koq  mng:
"Hef  si  symmih'mih?"

Y  ciu  korng:
"U  cidciaq  soeaciaq  gu'ar."

to Title Selection
(.12.  Toaxzhux, Boeq Boe 

U  cidee  langkheq,  png  ykefng  ciaqsoaq,  khvoax  zwlaang  bolaai
ka  y  thvy,  ciu  kefviax  korng, 
"Boflaang  u  cidkefng  toaxzhux  boeq  boe.".

Ciu  ciofng voafbin  hioxng  zwlaang  ee bin, korng:
"Y  ee  vikag  ia  zhaputtof  u  cidtex  voabin  ee  toa." 

Zwlaang  khvoarkvix voar  boo  png,  ciu  kynkirn  ka  y  thvy.
Y  mng  langkheq  korng:
"hitkefng  zhux,  boeq  boe  kuyvii?"

Langkheq  ciu  korng:
"Tvaf  y  thor-u  cidvoar  png  thafng  ciah,  ciu  mxboe  laq." 

to Title Selection
(.13.  Paklai  Khafng-losof

U  cidee  siuozaai,  in'ui  khofkaux  ee  cidcie  kuxn'oar,  mijit  teq  hoanlor  siuxkhor. 

Yn-bor  khvoax^kvix,  chiox  y  korng:
"Lirn  zox  buncviw,  zvaiviu  hiahniq'khurnlaan?  Kvafnar  chinchviu  goarn  boeq  svikviar  ee  sii  kaxngkhoarn^aq" 

Siuozaai  ciu  korng:
"Lie  teq  korng  sviar,  lirn  svikviar  khaq-khuie'oah."

Yn-bor  ciu  mng  y  korng:
"hvo,  hef  si  zvaiviu  korng  leq?"

Siuozaai  ciu  korng:
"Lie  tioh  sviu-khvoarbai  leq.   Lirn  ee,  si  ti  paktor-lai  u  mih,  ka y  svy^zhutlaai.   Mxkuo  goar  ee,  si  paktor-lai  khafng-losof,  lorng boo  bunzaai  ee  laq.   Khahkef  ma  oe  kankhor^aq" 

to Title Selection
(.14.  Thoeajiet

U-cidee  laang  ee  kviar  hoatjiet.
Lauxpe  ee  peng'iuo  thiah'ioh  ho  y  ciah.   Kehmii  ciu  sie.

Yn-lauxpe  khix  kab  y  siojiorng,  peng'iuo  mxsixn,  ciu  kab  y  laai  khvoax.   Ka  hit'ee  sengkhw  sosof  leq, ciaq  korng.
"Ioh  ciah  cidthiap,  jiet  ciu  thoex-lixli,  tvaf  khuxn^khix  laq.  Biern  koq  ciaqioh.   Lie  engkay  tioh  laai  kafmsia  goar,  hoafntngr  laai  ka  goar  zhar." 

to Title Selection
(.15.  Khaq-siok  ee  Sviemia

U-cidee laang  cyn-khog,  khvoax  cvii  kvafnar  sviemia.

U  cidjit,  y  kab  yn-hauxsvy  teq  kviaa,  kviakaux  koeakarng  ee sii,
khaf  khia-boextiaau,  soaq  poaqloh  zuie^nih  khix.

Yn-hauxsvy  ciu  tioqkib,  toaxsviaf  kiox:
"Kirn-laai  kiuolaang  oq!   Sviaflaang  na  oextaxng  loqzuie  khix  ka goarn-lauxpe  kiux^khylaai,  goar  tekkhag  ka  y  paw  toaxtoa  ee  siaxlea." 

Y  ee  lauxpe  ti  zuie-tiong'ngf,  loaxnloan  liuoliux,  phuzhud  thaukhag,  ciu  toaxsviaf  kiox  yn-hauxsvy  korng:
"Oea,  kviar^aq,  mxthafng   ho  y  sviuzoe  cvii  oq.   Naxsi  sva'gox'kakguun  ciaq  thafng  kiox  laang  laai  kiux^goar.
Naxsi  boeh'aix  khaq-zoe,  goar  ciu  tu^sie  ma  kamgoan.   Biern  laai  kiux^goar  laq." 

to Title Selection
(.16.  Miqphoex

U  nngxee  hauxsvy  muy'svatng  lorng  teq  zhar  boo  miqphoex.
Yn-lauxpe ciu  sietkex  korng:
"Kofzar-laang  khvoarkvix  chiux'mm,  ciu  oe  cie  zhuietaf.  Goar  tvaf  oe  cidboea  kiamhii  koax  ti  piaq^nih.    Lirn  na  khvoax-cidpae,  tioh  gveh  cidzhuix  png.

Nngxee  hauxsvy  cyn-thviaf  lauxpe  ee  karsi.   Yn  teq  ciah  ee  sii, 
siofti  jiorng-korng:   "Ahviaf  cyn-iaukuie,  y  kef  khvoax-cidpae  laq."

Yn-lauxpe  ciu  korng:
"Y  tvaf  tehboeq  oaqoah  kiaam^sie  ox."

to Title Selection
(.17.  Piebit

U  cidee  zorsid-laang  ti  hngg^nih  teq  zorsid  ee  sii,  yn-bor  laai  kiox  y  torkhix  ciaqpng.    Hit'ee  zorsid-laang  ciu  toaxsviaf  hoaq:
"Chviar  tarn  leq.   Goar  citzun  ka  tuthaau  zhaxng^teq,  ciaq  thafng  laikhix."

Tngfkhix  zhux,  yn-bor  ciaq  ka  y  mng:
"Zhaxng  tuthaau,  sngx  si  pybit  ee  su.   Lie  si  zayviu  hiahniq' toaxsviaf hoaq  leq.    Naxsi  ho  laang  zay,  soaq  oe  ka  hef  thaugiah^khix  laq."

Y  ciaqpar  to  khix  khvoax  hngg^nih;  tuthaau  cviasit  ykefng  boo^khix  laq.   Y  ciu  kvoafkirn  koq  tngfkhix  zhux^nih.   Zhuix  oar ti  yn-bor  ee hvixpvy,  soeasoea'ar  sviaf  korng:
"Tuthaau  ykefng  ho  laang giah^khix  laq."

to Title Selection
(.18.  Zhaohvi-laang  kab  Efkao  ee  Amkhaxm

U  cidee  zhaohvi-laang  kab  cidee  efkao,  teq  hoxsiong  amkhaxm  yn phoarsviux  ee  taixcix. 

U-cidjit,  hit'ee  zhaohvi-laang  twtioh  efkao^ee.    Y  kiox  y  tioh  chviux  koaf  ho  y  thviaf. 

Efkao^ee  bengbeeng  zaiviar  y  si  zhaohvi-laang,  ciu  ciofng  zhuix  khuy^cide hap^cide,  koq  phahchiuo, zngf-zhud  kvafnar teq  chviuokoaf  ee  khoafnsid  ho  y  khvoax. 

Zhaohvi-laang^ee  tiaukafng  vax  hvixkhafng  teq  thviaf,  zofngsi  u  khvoarkvix  efkao^ee  ee  zhuix  tidtit  teq  tyntang,  ciaq  toaxsviaf  korng: 

"Cyn-hofthviaf,  cyn-hofthviaf.   Goar  ciah'kuo  lorng  boo  thviakvix  lie  chviuokoaf,  mxkuo  kin'afjit  thviaf^kvix  ee,  pie  efngpae    koqkhaq  gaau-chviux! 

to Title Selection
(.19.  Chinchviu  Cit'ho  Zhorgo  ciu  Juo-Zox  juo-Hor

U-cidee  sinloo  khix  siusiaux  tngr^laai,   tuix  thaukef  korng:
"Goar  tuix  lie  cyn-putzu.   Kin'afjit  tuy  Kiernseeng  theh^tioh  ee  cvii,  si  sngx-mxtioh  ee  laq."

Zwlaang  thviaf^kvix  ciu  toaxtoa  siuxkhix,  ciaq  korng:
"Lie  cit'ee  goxnglaang!    Lie  nar oe  sngx-mxtioh  cvii.     Laai,  ho  goar  khvoax."

Y  ciu  afnny  chviuo  hit'ee  cvii  khix  keasngx.  Korng:
"Oea,  kef  nng'kakguun  maq."

Hit'ee  sinloo  ciu  kviakvia'ar  korng:
"Si  laq.    Goar  ka  y  kef-theh  nng'kakguun^aq"

Zwlaang  thviaf^tioh  ciu  chiorchiox'korng:
"Chinchviu  cig'ho  zhorgo,  juo-zoe  juo-hor." 

to Title Selection
(.20.  Tharncvii  ee  Hoatto

U  cidee  putcie  thamsym  ee  laang,  tvixtvia  teq  sviu  tharncvii  ee  hoatto.    Kviena  twtioh  laang  ciu  mng:

U-cidjit  cidee  khaq-gaau  khaq-zhongbeeng  ee laang  laai,  y  ciu  putcie  hvoahie,  koq  mng  y  thaxn  cvii  ee  hoatto.

Hit'ee  laang  ciu  ixn  y  korng:
"Hor  laq.   Goar  boeq  kax  lie  cidee  wntaxng oe-tharncvii  ee  hoatto.   Zofngsi  lie  siefn  ho  goar  cidzhefng'khof,  goar  ciaq  boeq." 

Hit'ee  thamsym'ee  ti  simkvoa-lai  sviu:
"Oqtioh  tharncvii  ee  hoatto,  ciu  cidzheng'khof  ma  suisii  thor-oextngr'laai.    Boo  iaokirn.:"
Ciu  ciofng  cidzhefng'khof  kaw  ho  y.

Y  ciu  theh  hiah'ee  guun  he  ti  lagtoexar'nih  ciaq  korng:
"Lie  khvoax  leq,  zef  ciuxsi  tharncvii  ee  hoatto  laq.   Lie  ia  tioh  ciaux  afnny  zox." 


  1. Taiwanese Jokes (11-20)