台灣民間故事: 無某無猴     林瑞芳 作
    .    .   .   .   .   .   .   .     .    .   .   .   .   .  ●  目  錄      ●  EDUTECH 首頁
  Bobor  Bokaau
                   -- Liim  Suixfofng
   A'Kied^ar cit'ee siaolieen^ee ti cid'ee zhunkofng-bengbie ee zafkhie, cid'ee laang tiazxmtiaxm'ar zawkhix zngf^nih ee zabhox-tiaxm.  Ciaf likhuy y-sof'khia ee sofzai piexnboo joax'hng, ciaux y pengsioong teq
kviaa ee sokto, putkox si jixzap-goa-hwn ee khathau'ar.  Kofngkaux y ee zorlaang, si sengsit, khimkhiam, koq phoksox, i'id ee khoattiarm ciuxsi khaq-tun.   Y zar to zhoa cid'ee boexbae ee bor, kuynii-laai in'ui yi gaau liauxlie kabu, ciu ho cit'ee siofsior ee kateeng, cviaa-oanboarn, yn ee seng'oah ma thafng korng si koex-oexkhix laq.
    Y ee sengsit, ho laang khvoarzox si pun, ar y kaki ma kafmkag y u cidtiafm'ar khaq-tun, mxkuo pien-mxsi lorng boo-
lox'iong.  Y khiog u cid'ee hibang, 
ciuxsi aeboeq u-cidjit zorzhud chiox y gong ee laang zox-boexzhud ee taixcix. afnny id^laai siautuu kiernsiaux. ar ji^laai thafng thaxn cidkoar cvii. 
    U-cidjit  y khvoartioh cidkuun laang cib'oar ti biotviaa ee khangtoe, zvef-teq khvoax cidciaq zhengtioh angsvaf ee kaau.  Cid'ee teq lang-kauhvix ee tionglieen-laang hioxng zernglaang teq kofng'oe.  Cidhoe'ar, y cidchiuo kytioh kausan'ar cidchiuo theqtioh vivi ee pvoa'ar, tidtit teq soatbeeng kin'afjit boeq piaw'iern ee cietbok.   A'Kied^ar zvejip taixkef ee laixbin, thviaf-boo hit'ee laang teq korng symmih.  Y khvoax-cid'e kausan'ar koq khvoaxhit'ee lang-kaau^ee, ciaq zay si boeq khaisie hiernky laq.
   Ciab^laai cidzun ee phahloo-sviaf, tviubin ciu kyntviw+khylaai.  Zernglaang ee bagciw lorng teq ciin hitciaq kausafn.   zernglaang ee zhafzab ee sviaf ia zeng^lohlaai, 
taixkef cy'u teq zuo'ix khvoax hitciaq kausafn.
   Lang-kaau^ee theq cidky tek'ar-pvy, khinkhyn taq^cid'e hitliap phoekiuu, afnny kausafn ciu thiaux^khylix kiuu ee tefngbin, khaf-tak kiuu, ho hef baxnbaxn'ar zoarn. 
Afnny, zoafnkhix-tafng koq zoafnkhix-say, cviaa zux'iuu-zuxzai.   koancioxng 
khvoax-gaq zhutsiin, ar kausafn khaf-tah ee sokto kef-kirn, kiuu ciu zoarn khaq-kirn.
Lang-kaau^ee theh cid'ee siofkor ho kausafn, y ciu hofhor ciab^laai, khaisie phorngphoxng-zhutsviaf laai phaq.  Muy'ee koancioxng lorng vixkhao-tongsvia olor  kausan'ar.  Citsii, loo-sviaf hutjieen theeng laq.  Kausan'ar ciu tuy kiu-terng 
thiaux^loqlaai.  Y phaang cid'ee tangloo, theh kaux koancioxng ee bixnzeeng, 
kvialaai-kviakhix.   Lang-kaau^ee korng: 
   "Chviar kok'ui laux'iaa-koniuu ka citciaq kasan'ar sviuo cidkoar cvii~aq.  Auxbin iao u padhang ee piaw'iern neq."
    Koancioxng pyzhuo-koanbong, ciu u kuynax'ee laang tarnzhud tangcvii ho y. 
A'Kied^ar ma cviaa hvoahie, khvoartioh koancioxng teq tarncvii, y ma sviuxboeq taxn
t
發音注解: a'Kied+ar[!akied!a], zabhoex-tiaxm [zabhoe+tiam], jixzap-goa-hwn
[jizapgoahun], koex-oexkhix [koe+!oeki], pien-mxsi [pien!msi], zox-boexzhud [zo+boezud}, id^laai ... ji+laai [!idlai ... jilai], lang-kaau^ee [langka^u!e]
語辭注解: pyzhuo koanbong (彼此觀望), 
cidkoar cvii ho y.   Mxkuo chiuo zhunjip khortoe'ar+nih ciaq zay kaki boo toax cvii, Y korng:  "Phvaysex.  Goar boo toax cvii laai. 
Tarnteq, goar tngfkhix zhux^nih theh cvii laai."
   Lang-Kaau+ee laikaux y ee thauzeeng, khvoartioh y phvaysex ee khoafnsid ia thviatioh y sof'korng ee oe, ciu korng:
   "Boo-iaokirn, boo-iaokirn.  Koancioxng boo-itteng muy'laang lorng to kaw cvii+aq."
A'Kied+ar sviu boeq kab y korng kuykux'ar oe ee sii, y kab kausafn ykefng soar-khix padlaang ee sofzai laq.
   Koancioxng svoax^khix ee sizun ykefng si tionggvor.  A'Kied+ar kin'afjit khvoartioh cit'ee kaau-hvix kafmkag cviaa-moaf'ix, simlai sviuzhud korng y pwnlaang na oextaxng boea cidciaq cit'khoarn oe-piaw'iern ee kaau, kaki ciu thafng khaisie zox citkhoafn ee suxgiap laq. 
Afnny ycieen korng y hamban ee laang ciu khvoax-oexkhie y laq.
   Taixkef lorng likhuy-liaw'au, kantvaf zhwn y kab hit'ee lang-kaau^ee kab hitciaq kausafn, y
ciu chiox-biby oar^khix, kviaa cid'ee lea ciaq korng: "siensvy, chviar laq."
   "Chviar laq.  U symmih'kuiesu?" lan-kaau^ee 
hoetab.   A'Kied+ar kikii-gvaixgvai phvaysex-phvaysex korngzhud aeboeq boea hitciaq kaau ee sim'ix.  Lang-kaau^ee, chi citciaq kaau ykefng kuynax'nii, zoeakin ciaq zhutlaai piaw'iern, sof'ie ciu bosviu boeq boe.   Iukii si yn-zoankef chit'ee laang ee svi'oah lorng khox citciaq kaau ee piaw'iern, nar kafm boeq parngchiuo leq.  Mxkuo, a'Kied+ar ma mxkherng parngchiuo, ciu tidtit khofkhngx, koq korng goaxn'ix theqzhud nngxpaq-niuo giin ho y, ho y thafng koq khix boea padciaq ee kaau laai hurnlien.   Lang-kaau+ee thviatioh u hiah'zoe cvii thafng siujip ia u sym-tang laq.  Sianghofng ciu iokteng kaucvii kab kaukaau ee sikafn-toextiarm ciu svapiet. 
    A'Kied^ar zu-afnny cviaa-hvoahie, mxkuo ma hoanlor boeq afnnar cip cit'ee cvii.  Yn-zhuolai kegkef ma ciaq u cidpaq-niuo. iao khiaxm ee cidpaq-niuo boeq afnnar ti kuyjid'ar ee toea-sikafn khix zhoanzoee leq.   Zhuolai ma boo symmih'tadcvii ee miqkvia thafng theqkhhix tngx, afnny sviuxlaai-sviuxkhix, zoea'au sviuxtioh korng iaw'u yn-bor 
thafng ciaxmsii tngx ho huokin ee tetiaxm-lawparn,
tafnkaux y uxcvii khix boea hitciaq kausafn tngflaai liaw'au ciaq ka yi siok-tngflaai.  Yn-bor khythaau m-tah'exng, mxkuo kaux auxlaai sviutioh angsai ee cientoo ciu tah'exng laq.
   Toexji-kafng, a'Kied^ar ciu zhoa yn-bor khix hitkefng tetiarm'ar.  Lawparn kab y hoxsiong u siobad.
A'kied^ar ee soatbeeng laix'ix korng: ''In'ui si afnny, chviar lawparn taux-pangbaang-cid'e.
   Lawparn khythaau mxkherng, mxkuo khvoartioh yn-bor iao sngx u zuseg, ciu kaw cidpaq-niuo giin ho y.   A'Kied+ar hvoahvoaf-hyhie ciu zhud^khix, kynkirn zawkhix khehzaxn zhoe hit'ee lang-kaau+ee.  Lang-
kaau+ee kuynaxjit boo zhutkhix tharncvii, lorng ti khehzaxn teq tarn a'Kied^ar laai.  Y kafmkag a'Kied+ar si y ee zaisiin-iaa, afnny sviu-gaq zhutsiin ee sizun, goaxkhao ee khehzaxn-lawparn laai phahmngg koq hoahkorng: "Goaxkhao uxlaang laai boeq zhoe lie ox."  Y ciu kynkirn khuimngg gviaciq a'Kied^ar jib+laai. 
   A'Kied+ar jib+laai, phvixtioh khehzaxn teg'iuo ee phvaybi, kafmkag boe-sofngkhoaix, mxkuo iao si jib^laai laq.   Y ciofng kofnghor ee keacvii kaw ho
lang-kaau^ee, ciu kynkirn pho hitciaq kausafn lixkhuy khehzaxn khix.  Y cidbin kviaa, cidbin ti simlai teq phahsngx tagjit liah citciaq kausafn khix piaw'iern ciu thafng tharntioh joaxzoe cvii, keasngx-khvoax kuyjit to thafng tharntioh cidpaq-niuo giin, ar ciu thafng khix tetiaxm zhoa yn-bor tngr^laai.   Sviuxkaux yn-bor, simlai kafmkag cviaa-cibbok.
   "Laai ox!  Laai ox!  Laikhvoax ox!"  A'Kied^ar ti loxtiofng kiorlaang, ciu u cid'toatin ee lamluo-lof'iux toex y laai, laiboeq khvoax y boeq pvix symmih parhix.  U cidkoar laang boeq oar^laai, a'Kied^ar khiog bo'aix zhab yn.  Cid'si'ar-kuo, bioxzeeng ee korngtviu ciblaai cviazoe laang laq.  Y ciu oqtioh hit'ee lang-kaau^ee, korng cid'toaxtuy kaki to thviaf-boo ee oe, jien'au theqzhud cidliap kiuu, boeq ho kausafn khix liern.   Taixkef lorng tiam^loqlaai, zuobak teq khvoax kausafn oe afnnar liern-kiuu.   Mxkuo, su-zhud-ygoa, a'Kied^ar kiox kausafn khix liern, kausafn khiog lorng mxzhab y.   Kausafn kantvaf ti y ee sengkhw-pvy zoafnlaai-zoafnkhix, a'Kied+ar sym cid'ee kib, ciu theqzhud tekpvy phaq kausan'ar.  Kausan'ar kiky-kiox, thiau^khylix bio ee zhuoterng, jien'au ciu thiaux khix bioxpvy ee toaxchiu-terng.   Koancioxng lorng khvoax-gaq gang^khix, bagciw kantvaf khvoax chiuxterng hitciaq kaau.
    Tvaf, a'Kied^ar sviu-boexzhud paxnhoad, cyhor theq cioqthaau ka y khiefn.
Kausan'ar khvoarsex bohor, kafmkag ciaf mxsi kuo-laau ee sofzai, ciu cidzaang chiu cidzaang chiu thiaux-khiekaux chiuxna'ar+nih.
    A'kied^ar mxzay to afnnar ciaq hor.   Kantvaf teq khvoax kausafn zawkhix tof'ui.   Citsii thviatioh cid'ee laulaang ee sviaf, korng:  "Tvaf citmar, bobor ia bokaau laq."   A'Kied^ar tiaxmtiam, thox cid'ee khuix, korng: "Haix, tvaf boeq afnnar pan.  Tvaf boeq afnnar pan."   Y-simlai cy'u tioqkib naxtvia. 
發音注解: su-zhud-ygoa [suzud!igoa]事出意外
語辭注解: cidbok (寂寞),
無某無猴     林瑞芳 作