台灣民間故事: 不剃,留得要好命

台灣民間故事:不剃,留得要好命朱鋒作

. . . . . . . . . . . . . ● 目錄 ● EDUTECH 首頁

Mxthix, Lauteq Boeq Hofmia.
                      -- Zw Hofng
    Ciongcieen u-cid'ee phvaylaang, mxkoarn si symmih'sizun-symmih'sofzai lorng aix thafm panggii boeq ka laang khar'iuu, u-sviaflaang
guxtioh y, sviaflaang ciu oe ciaqkhuy.
    U-cidpae, y khix thie'thaau-tiam thie'thaau.
Boeq kaux siubin ee sii, thie'thaau-siahu mng y: "Pyn'ar-mngg boeq thie'tiau boo?"
    Y hamhoo tab-korng: "Mxthix, lauteq boeq hofmia?"
    Ciu afnny, thie'thaau^ee ciu ciaux y ee hoanhux, ka y thie'tiau laq.   Tafnkaux siubin soaq ar boeq huocvii ee sii, y hioxng kviax ciox-cid'e bin, zngzhud cvianiq'kviaftioh ee
khoarn, ar me thie'thaau⁺ee korng:
   "Kikoaix loq, lie nar ka goar ee pyn'ar-mngg thie'tiau leq?!"
   Saihu korng: "Lie kiarm mxsi korng,'mxthix,
lauteq boeq hofmia?"
   "Boo^aq, boo^aq, goar si korng, 'mxthix,
laateq boeq hofmia!' "
    Nngxlaang twtuo teq zvef-boexsoaq ee sii, u-cid'ee laang zawlaai boeq zox kongchyn.
Thie'thaau-say korng, boo ciu biern huocvii,

zurn soaq+khix. Mxkuo, hit'ee laang mxkherng, korng y in'ui lienlieen phvae-uxnkhix, kinnii ciaq khaicvii zhoe cid'ee ngto-kietjit, laau cit'ee pyn'ar-mngg, tvaf ho saihu thie'tiau laq. Zef si koanhe-tioh zhw'au ee uxnkhix, koq si iwkoafn svesie-hengboong ee buxntoee, y itteng boo kab saihu pviar cid'ee sy'oah boexsae.
    Kengkoex kongchyn ee zoexzoe khoafnkae, zoea'au ciaq tong'ix tuliao biefnhux thie'thaau ee huie'iong ygoa, koq poee y cidphid poesiorng-kym, afnny su ciaq soaq^khix. Y theqtioh cvii, toa'ioo-toapaai boeq kviazhud mngkhao ee sii, iao khoakhao korng:
    "Goar mxsi aix-cvii ee, citpiexn na mxsi kongchyn teq korng hof'oe, goar ciaq boe paxng y soaq leq."
    Y thgfkhix zhux^nih, yn-bor khvoax y boafnbin-zhunhofng, ciu mng y si afnnar. Y korng: "kin'af'jit mxna peqpeh thie'thaau, koq theqtioh cidpid ee pof'un-cvii, goar nar boe sofngkhoaix leq."

不剃,留得要好命