台灣民間故事: 餓鬼與馬哮　

台灣民間故事:餓鬼與馬哮　王錦江作

. . . . . . . . . . . . . . . . ● 目錄 ● EDUTECH 首頁

Sarnkuie kab Bea teq Hao
-- Oong Gymkafng
.

Taioaan u cidkux siogguo korng: "Kuie kab Bea teq Hao", iesux si "Buun puttuix Toee" iafsi "Loaxnkorng". Koan'uu citkux siogguo, goanlaai si u cidtvoa thoansoad ee, khiog si cit'ee thoansoad kab cit'ee siogguo ykefng thoatcied laq. Sof'ie hiexnzai pviecviaa boo siongkafn laq.

   Ciongcieen ti cid'ee sofzai u toartioh cid'ee "sarnkuie".
Y cviaa-saxn, ykefng kuynax'jit boo ciaqpng laq.   Khythaau y iao oe jymnai, kaux auxlaai khangpag tidtit kiox, ciaxmciam cichii-
boextiaau laq.   Y u cid'ee peng'iuo si cincviax ee "kuie", tongzeeng y, ciu ka y korng:
    "Afnny, goar ciofng cidkvia pofpoex cioq ho lie eng."
    Y suichiuo theqzhud cid'ee thihkhoaan, ciapsoax ciu korng:
    "Cit'ee thihkhoaan ciuxsi pofpoex. Ka zef thox tiaxm thauterng, hit'ee laang ciu thauthviax-baghiin, pie sie khaq-kankhor.   Hitsii, hit'ee laang ciu zai'viar kaki si ho kuie bee laq, ciu oe hexgoan, thoex lie pan-ciwtoq, siof ginzoar.   Kaux cit'ee sizun, lie ciu thafng thorngkhoaix ciaq hit'ee ciwtoq, koq eng ginzoar zox svaf laai zheng."

    Iaukuie-siefn cviaa-hvoahie, ciu ka y cioq hit'ee thihkhoaan tngr^khix.
   Y kviaa kaux pvoarlo, guxtioh cid'ee chiwlai theqtioh kuo'ar ee bagchviu, ciu kynkirn ciofng hit''ee thihkhoaan thox ti bagchviu ee thauterng.   Bagchviu suisii to thauthviax-baghiin, ay^khylaai, kaux jymnai-boextiaau ee sizun ciu thikhax korng:
"Ciahniq'kankhor putjuu sie kha1-hor. Goar ciu eng kuo'ar ka kaki ee thaau kux-zox peeng!"
   Sarnkuie thviatioh cit'ee oe, to cviaa-
kyntviw, sym-sviu: "Zef nar oexsae, tuy peng'iuo-hiaf cioq^laai ee mih, na ho y eng kuo'ar kuophoax, afnny nar oexsae."
   Y ciu kynkirn ka thihkhoaan pag^loqlaai,
pviarsex zawtiau.
   Lixkhuy hiaf boo-hng, guxtioh cid'ee
chiuo^nih giah porthaau ee khafmzhaa ee
ciauhw, ciu koq ciofng thihkhoaan thox ti cit'ee ciauhw ee thauterng.   Cit'ee ciauhw ma siosiang aithviax, ciu kvafnar boeq eng y ee pofthaau kharm kaki ee thaau. Sarnkuie
kviaf-cidtioo, kynkirn ciofng thihkhoaan
pag⁺khylaai, theq-tngrkhix boeq heeng ho

"kuie" peng'iuo, ia ka y korng twciaq ee zengheeng. "Kuie" peng'iuo thvialiao, ciu korng: "Zef, lie tongjieen oe sitpai, in'ui lie lorng zoanbuun zhoe sarnchiaq-laang laai thox, engkay tioh zhoe cid'ee hofgiah-laang ciaq oexsae."
Sarnkuie thviatioh cit'ee oe, kadmkag u toxlie, ciu koq theh thihkhoaan zhud^khix, boeq zhoe uxcvii ee laang. Y kaux cid'ee svoakhaf, khvoartioh cid'ee khiatioh bea ar hogzofng hoale ee laang, ciu cviaa-hvoahie. Y baxnban kviakaux bea ee pvi'ar, mxkuo hit'ee khiabea ee laang, thaau thaix-koaan, boextaxng ka y thox thihkhoaan. Y ciofng thihkhoaan eng taxn ee, boeq thox ti y ee thauterng, khioksi kerngjieen thox ti bea ee thauterng. Hitciaq bea, suisii thaau thviax^khylaai, ciu thii cidsviaf, zao hioxng svoaterng khix laq. Sarnkuie sym cid'ee kib, ciu toaxkhaux tox bea zao^khix. Afnny, bea ia hao, sarnkuie ia toaxsviaf hao, mxzay zao kaux tof'ui khix.

發音注解: thox[t_o](套), kviaf-cidtioo [kviac_idtio^o], pag^khylaai [p_agk_il_ai]

語辭注解: sarnkuie (窮鬼), suichiuo(隨手), thihkhoaan(鐵環), ciauhw(樵夫), kuo'ar(鋸子), bagchviu(木匠), pofthaau(斧頭), khafmzhaa(砍柴),kharm(砍),

餓鬼與馬哮