Id-Sefng
in'ui hoadkhia ciu cvia'voax
ciaq tngfkaux zhux. Yn-lauxbuo khvoax
y bixnseg aonao, ciu mng y siuxtioh symmih'uykhux. Id-Sefng
ka yi korng zengheeng, yi
ma cviaa-siuxkhix,
ti kehtngr-jit ciu khix su'oq'ar zhoe lauxsw lylun.
" '秀嬸'
kab '蕃薯姆' kiarm mxsi siosiang?"
"Boexsae,
'繡枕'
si ti zhngterng teq ho laang khuxn ee."
"
'蕃薯姆'
nar mxsi ia ti zhngterng teq ho laang khuxn ee."
"Boexsae!"
Yn-nngxlaang
svazvef
liaw'au, Id-Sefng ciu thoeahak tngfkhix zhux^nih chitthoo.
Keq-kuyjit,
kehpiaq ee Hanzuu Mr laai zhux^nih kviatah,
kab Id-Sefng ee laubuo liauthiefn. Id-Sefng ee lauxbuo korng lauxsw
afnnar boo-kongpvii,
koq khoa'iau yn-kviar
cviaa-zhongbeeng,
afnny korng cviazoe.
Hanzuu Mr ciu iafng Id Sefng thoex yi siar cidtviw
phoef, boeq kiax ho lixkaf zabgoa-nii ee angsaix.
Id-Sefng
theh pid laai, khiog si cidji ia siar-boexzhud^laai. Y siefn
ciofng phoezoar ee angkeh'ar sof'xn ee "上大人" ciaozhaw cidpiexn,
jien'au ciu siafzhud y sof'ohkoex ee Samju-Kefng siafzhud.
Hanzuu Mr kengkaf mxbad ji, ciu ciofng hef kiax ho yn-angsaix.
Kwkuo ti
goaxtoe zox-senglie ee angsaix ciaptioh cittviw
phoef, hiefn-khylaai khvoax,
kafmkag bogbeeng-kibiau, ciu chviar
cviazoe
laang laai khvoax,
ia kayseg-boe-zhudlaai.
Zoea'au zhoextioh cid'ee bioxkofng,
y cvia-khawbiau
ka hef kayseg-korng:
" '上大人'
ciuxsi
'boeq kiax ho thaukef'."
" '孔乙己'
ciuxsi
"parngkhafng cidkie-nii'."
" '化三千,七十士'
ciuxsi
"' boo kiax svazhefng-khof
ia boo kiax chitzap-cvii'."
" '爾小生,八九子'
ciuxsi
"'zuxcioong zhutmngg ylaai, ia kiarm svy
poeh'kao'ee kviar'.
" '佳作人,可知禮也'ciuxsi
"'zox angsaix ee, engkay tioh zaiviar
cit'ee lefzex+aq'."
Hanzuu Mr
ee angsaix thviatioh
afnny, toaxtoa siu kafmtong, siefn kiax cidpid cvii,
ciaq kvoar
tngfkhix kab yn-bofkviar
thoan'vii. |
