台灣民間故事: 陳大戇的笑話

台灣民間故事: 懶惰人拜師呂訴上作

. . . . . . . . . . . . . . . . ● 目錄 ● EDUTECH 首頁

Lafnsy Paix-Sw
              -- Lu Sorsiong
     .
   Tiongpo cid'ee sofzai, u cid'ee zhutmiaa ee lafmnoa^ee, mxna kangzhwn ee laang lorng bad y, lieen
ciu'uii ee kok'hiongtixn ee lamluo-
lof'iu lorng zaiviar y si toxtoa lafmnoa ee laang.
   Yn-taw ee mngcieen u cidzaang naixcy-chiu, ykefng kietzhud cviazoe koeacie laq.   U-cidjit, y sviuxboeq ciah naixcy, mxkuo lafmnoa-gaq bosviu boeq zhunchiuo khix pehkhag
koq eng chiuo ka hef saxng-jibkhix zhuielai ciah.   Y khiog si u paxnhoad, ciuxsi tor ti naixcy-chiu-
khaf, khuizhuix tarn naixcy kaki poah^loqlaai.
   Cit'ee sizun kehpiaq-zhwn u cid'ee
kvoafty ee gyn'ar laai, kviaa tuix y ee sinpvy kengkoex, khvoax-gaq kafmkag
cviaa-kikoaix, ciu khuizhuix mng y:
"Oea, lie teq zox symmih?"
   Y korng: "Goar teq tarn naixcy poah^loqlaai."

發音注解: lafnsy^ee [l^ansⁱ!_e], lamluo-lof'iu [laml^ul^o!iu], yn-taw {!int^au},
naixcy-chiu {n_aiciciu], cviazoe ~ [cviaz_oe
~ ], lafmnoa-gaq ~ [l^amn_oag^aq ~], bosviu boeq ~[bosv_iub^oeq
~], saxng-jibkhix ~ [s^ang+j_ibkⁱ⁺ ~], naixcy-chiu-khaf [n_aicic_iuk^a], poah^loqlaai [p^oahl_oql_aai}, khvoax-gaq ~ [kv^oa+g^aq~]

語辭注解: lafmnoa(懶惰), lafnsy(懶屍=懶惰者), poah^loqlaai(跋落來=掉下來),

   Gyn'ar korng: "Lie khaksit si cincviax lafnsy laq.   Mxkuo iao boextaxng kap goarn-
zhwn^nih hit'ee lafnsy svapie."
   Y suijieen zai'viar kaki cviaa-lafmnoa, mxkuo thviaf laang korng iao uxlaang pie y khaq-lafmnoa, ciu sviu aeboeq khix khvoax y, koq khix paix y zox suhu, thafng oh cidkoar lafmnoa ee poxsox.
    Kehtngr-kafng, y lafnlafn'ar khyzhngg, ciu zao zhutmngg, aix khix khvoax hit'ee khaq-lafmnoa ee laang. Y kaux ee sizun hit'ee laang iao teq khuxn. Y khix phah'mngg, khiog bolaang hoetab.   Koq phaq sva'e, iao si boo ixn.   Phaq sie'e, gox'e, hit'ee laang ciaq baxnbaxn'ar khy^laai, un'ar phahkhuy mngg, khvoarkvix hit'ee laang khia ti hiaf. sengkhw ngrtioh goaxbin.   Y kofngzhud lai'ix, korng: "Goar si laai kiusw-hagge ee."
    Cit'ee laang mng: "Ui-symmih sengkhw ngrtioh goaxbin, nar m zoarn⁺koealaai?"
     Y korng: "Kvia'ar lie m ka goar siuzox tote. Naxsi afnny goar ciu mxbiern zoarn nngxpiexn sengkhw, boeq kviaa to thafng kviaa laq."
    Cit'ee laang cidthviaf, zaiviar y pie kaki khaq-lafmnoa, ciu korng: "Afnny ciu chviar lie mxbiern zoafnsyn; in'ui goar ee lafmnoa, hngxhng boextaxng kab lie pie."

發音注解: zhwn^nih [z^unn_i], kehtngr-kafng [k^eht^ngk^ang],
kiusw-hagge [kius^uh_agge], zoarn^koealaai [z^oan+k_oel_ai], siuzox ~ [siuz^o+ ~}, khaq-lafmnoa [k^aql^amnoa]

懶惰人拜師