台灣民間故事: 陳大戇的笑話   王詩琅 作
    .    .   .   .   .   .   .   .     .    .   .   .   .  ●  目  錄           ●  EDUTECH 首頁
   Taan Toaxgong ee Chior'oe
                          -- Oong  Siloong 
Goar  Zhoe  Peqpox
    Taan  Toaxgong si cid'ee gong-gyn'ar, mxbad seasu.  Yn-lauxpe si tiongho ee tiofngciar.   Zhuolai cviasaxn.   Yn-mamaf sinkhor teq tharncvii laai uichii  zoankef ee seng'oah.
    U-cidjit, mamaf khvoartioh Toaxgong ee svaf lorng phoax laq, ciu theh zoanpo ee cvii khix koef^nih boea cidtex peqpox tngr^laai.  Gong-kviar khvoax^tioh, cidbin sviu cviaa-kikoaix ciu theh hittex pox, cidbin mng yn-lauxbuo, korng:
   "Abuo, cittex pox si boeq zox symmih ee leq?"
   "Si boeq ka lie zox syn-svaf ee."
   Y cviaa-hvoahie ciu chiaux^khylaai.
  "Cviahor, cviahor?  Abuo kynkirn ka goar zox^aq"
  "Kin'afjit boo ciafm, ia boo svoax, lie sior-tarn leq, min'afzaix khix boea ciafm-svoax ciaq ka 
lie zox."
   Gong-kviar cviaa-hvoahie, ciu khix khuxn cidmii.
     Thaozar khy^laai, ciu sviuxboeq khix kvoar lauxbuo.  Boo sviu^tioh, cit'ee sarnchiaq ee zhux ti zamii siuxtioh zhadthaw, hittex pox soax-boo^khix.  Y   tag'ui zhoe, lorng zhoe-boo.   Ciu toaxsviaf hoaq-korng: "Kikoaix^aq!  Abuo, 
lie korng boeq ka goar zox-svaf ee peqpox khix ho zhad'ar thaw^khix laq."
  Y toaxkiox, toaxkhaux, ciu me-zhud: 
   "Khof'vox ee zhad'ar!  Mxkhix thaw uxcvii-
laang ee zhux. soax laai thaw goarn, sarnchiaq-laang ee zhux."
   Yn-lauxpe taotea khaq batlie, ciu khngx gong-kviar.   Mxkuo, gong-kviar iao si mxkherng parngsoaq, ciu taitay zao-zhutkhix goaxkhao boeq zhoe hittex peqpox.
   Y cidbin kviaa, cidbin korng"
   "Goar boeq khix zhoe hittex peqpox tngr+
laai!"
   Y zhoexkaux kehpiaq-zhwn, u khvoartioh u cidtin laang giaa ki'ar laai, koq teq phahloo-
phahkor.   Zef si cidtui zhutsvoaf ee laang.   Toaxfong khvoartioh muylaang ee thauterng lorng u pak cidtex peqpox, ciu sviu-korng hef si yn-taw ee peqpox.  ciu toaxkiox korng:  "Oea! lirn thaw goarn-taw ee peqpox!"  Ciu zaokhix ka hiah'ee laang ee thauterng ee peqpox chviuo^laai.
  "Lie korng symmih!  Lie cviuo  peqpox!  Phaq^aq, phaq^aq!"   Gong-kviar mxzay ui'symmih ho laang phaq, ciu zao^tngflaai. 
  Lauxpe khvoax^tioh, ciu mng y zef taotea si symmih'taixcix.  Gong-kviar ciu ka y korng.  Lauxpe cviaa-siuxkhix,  ka y me-korng:
   "Gong-kviar^aq!  Seakaix-siong peqpox 
cviazoe.  Mxthafng laxmsuo loa padlaang korng ka larn thautheh.  Kohkhaq boexsae khix chviuo hiah'ee laang ee thauterng 
ee peqpox.  Yn u sie-laang, simlai cviaa-kankhor, lie nar thafng me laang korng si zhat!  Lie engkay tioh ka yn an'uix ciaq tioh."
    Gong-kviar thviaf zef, ciu tiaxmtiam kix ti simlai.
                .
Mxthafng Siongsym
    Keq-kuyjid'ar, Toaxgong koq sviuxtioh boeq khiex zhoe y ee peqpox.  Y zao-zhoe huokin kuynax'ee zengsia, u khvoartioh cidtui giaa-lauxjiet ee tuixgvor laai.  Yn ia
teq phahloo-phahkor, koq laang ia u cidtoaxtin.   Yn giaa cid'ee cviatang ee miqkvia, auxbin u hoekio. 
   Gong-gyn'ar mxbad khvoartioh hoekio, mxzay hef si laang teq pan hysu.   Khvoax zef kab cienjit ee su zhaputtof, ciu sviuxkhie lauxpe ee oe.   Y kynkirn zaw'oar^khix, tidtit korng:
   "Thaix-khofsioq^aq, lirn mxthafng siongsym.  Thaix-khofsioq^aq, lirn mxthafng siongsym."
    Kviaa ti thauzeeng ee laang thviaf-
mxzay, boo-khix zhab y.  Mxkuo, y
tidtit afnny ka yn hoaq,  Ciu uxlaang thviaf-zhengzhor, ciu siuxkhix ka y
jiorng korng;  "Lie cit'ee goxngkviar!
Teq hoaq symmih?  Siarm zao~  siarm zao."   Ar ciu laai ka y harm thaau, loxng hengkharm;  ia uxlaang ka y siexn zhuiephoea.   Gong-kviar bogbeeng-kibiau ciu khaux "Ae'ioq!  Ae'ioq!"  ar zao-tngr^khix.
    Lauxpe ka y korng:  "Citkhoarn, laang u hysu ee sii, lie tioh korng 'Kionghie! Kionghie!'"  Koq ka y soatbeeng korng:  "Songsu ee sii si sorseg ee peh ee, ar hysu ee sii si aang ee zhaeseg ee.  Lie tioh kix^teq!"
                .
Kionghie! Kionghie! 
   Koq u-cidjit, gong-gyn'ar khix cidlie-goa
ee chixtixn chitthoo. 
   Ti hiaf ee cidtiaau lo-terng u cviazoe laang teq zao-laai zao-khix;  cviaa-huxloan.  Gong-gyn'ar sviu zef koq si cidkvia hysu, zoadtuix mxsi zhutsvoaf ee, ciu ciaux lauxpe sor-kautai ee, toaxsviaf korng:  "Kionghie!  Kioonghie!  Taixkef kionghie!" 
    Citsii, u-cid'ee siauhoong-tuix'oaan tuy
y ee sinpvy koex, ar thvia^tioh y ee hoahsviaf, ciu ka y giin, ar tuix y korng:
"Gong-kviar!  U symmih thafng kionghie?!"  Ciu eng phurnzuie-thaau, hioxng y ee thaukhag-terng koxng+loqkhix.
   Toaxgng m-zaiviar ui-symmih ho laang koxng, ciu kynkirn zawsiarm, ar zao-tngfkhix yn-taw.   Lauxpe khvoax^tioh, thox cid'ee khuix ciu ka y soatbeeng, korng:  Hef nar si symmih hysu!  Laang sit'hoea, si thorngkhor ee taixcix.  Lie engkay tioh kynkirn khix 
kvoaxzuie, khix ka laang taux-khachiuo biedhoea ciaq tioh."
   Toaxgong koq u citpae ee kenggiam, ciu hofhor ka hef kix^teq.
            .
Kvoaxzuie  Biedhoea
   Gong-kviar zhaputtof ciofng phafngkhix peqpox ee taixcix boe-kix^tid laq.  Sisioong lorng teq mai'oarn y nar suxsu lorng khix guxtioih hiahniq phvaysex ee taixcix.
    U-cidjit, y koq khix koef^nih, sviuxkhie hit'ho o'of ee iefn, ang'aang ee hoea ciuxsi hoefsiof; engkay tioh khix kvoaxzuie thoealaang biedhoea.
   Y kviakaux cid'ee haxng'ar, khvoarkvix u-cidkefng phahthiq^ee, u hoea koq u iefn,
koq u kuynax'ee hofhaxn^ee ka hef uii+teq, eng thihthuii teq phaq hoea.  Y ti simlai sviu, zef itteng si teq hoefsiof, tioq kynkirn khix kvoaxzuie laai biedhoea.
   Toaxgong lorng boo kofng'oe, ciu kviakaux
zhoe zuytharng khix kvoaxzuie boeq biedhoea.   Khvoartioh u cid'ee zuytharng,
laixbin u zuie.  ciu kynkirn ka hef kvoa+
khylaai, hionghioong hioxng hoea^nih phoaqvkhix.   Suisii ti tiaxm+nih khie
cidtviuu ee o'iefn, ar hoea lorng sid^khix 
laq.
   Phahthiq-saihu toa-siuxkhix, toaxme:
"Sie-gyn'ar!  Mxthafng zao!  Goar boeq phahsie lie cit'ee kaau-gyn'ar!"  Ciu giah
thihthuii boeq ka y harm^loqkhix.
   Y khvoartioh tviubin boo-tuix, ciu pviarsex zao-tngfkhix zhux^nih.  Ciu ka lauxpe taau.   Laupe korng:
  "Hef si phahthiq-tiaxm, mxsi teq hoefsiof.
Lie boo ka laang taux-khachiuo, hoafntngr ka laang ee hoea phahsid^khix,  yn tongjieen oe toa-ziuxkhix."
             .
Taux-Khachiuo Phahthiq
    Y siuxtioh hiah'ee zhorcied, iao boo pvix siaukek, iao si aix koarn eng'afsu.  Y koq khix pad'ee zhwn^nih chitthoo.
    Twtuo kviakaux cienzhwn ee huokin, u cidzaang toaxchiu, hiaf u nngx'ee toaxzhai
ee laang teq oelaai-oekhix.  Si teq siophoaq, phah-gaq toaxliap kvoa soealiap kvoa.   Y sviu itteng si teq phahthiq, ciu
koatteng boeq khix ka yn taux-khachiuo. 
   Y eng pitsefng ee khuielat, thiaux-
jibkhix.  Yn khvoartioh cit'ee thiaux+
jiblaai ee si mxbad ee laang, lorng sviu korng si tuiehofng ee laang, ciu habzoee hioxng y chiofng^laai. 
   Nngx'ee toaxkhof^ee lorng chiofng-laai phaq cid'ee gyn'ar, y nar oe zaix-oextiaau. 
Y soax ho yn phaq-gaq thaau-bin lorng hoatchvy.   Y ciu koq bogbeeng-kibiau,   Y
sviu-boo si afnnar ciaq oe ho laang phaq leq.
  Lauxpe khvoartioh y afnny, ciu ka y
korng: "Hef si yn teq siophaq.  Citkhoarn 
ee sizun, lie tioh khngx yn korng: 'Mxthafng koq phaq laq.' koq ka yn hunkhuy ciaq tioh.
                   .
Khngx Guu maix Siophaq
    Koex kuynax'jit, Toaxgong ee thaau-bin ee siofng lorng thoex laq.  Mxkuo, simlaai 
kviakviaf, ciu khix znggoa chitthoo. 
   Ti armthau'ar ee sizun, khix-kaux 
khorngkhoaq ee sofzai, iu khvoartioh u
nngciaq zuyguu teq svatag.
   Y sviu, "Tioh laq, tioh laq, zef ciuxsi 
teq siophaq."  Aekoarn engsu ee y, ciu
zoong-jibkhix hit'nngxciaq guu ee tiongkafn, korng:  "Taixkef lorng soahsoaq^khix aq."  Y toaxsviar hoaq iawboe soaq, ciu u cidciaq zuyguu hioxng y chiofng^laai, ciong gukag zhahjip goxngkviar ee kaciahphviaf.
Lexnggoa cidciaq ia hioxng y ee paktor zhaq-jiblaai, ho y ee tng'ar lorng or^zhutlaai.  Afnny y ciu tor ti toexcviu lieen tang to boe tang. 
   Huokin ee zhuopy-laang khvoartioh cit'ee taixcix, ciu kynkirn laai kvoafzao zuyguu, cidbin ia khix kiox y ee pexbuo, koq cidbin khix kiox kiuoho-chiaf.  Khythaau, y moafsyn si hoeq, ar 
iao oe zhafn, bokuo ciu lorng bosviaf laq. 
   Tarn kaux yn-lauxpe kvoar+laai, Toaxgong ee thaau ia soee^loqkhix, ar ciu sie laq.  Lauxpe bagsae moafbin, 
hioxng thvy oarnthaxn korng: "Toaxgong ciu
afnny boeq sie^khix laq, si^boo?!"

    Y cy'u khvoarkvix hngxhng ee kkhoezuie+nih, hit'nngxciaq zuyguu phvi'ar phurnzhut zuie, teq hvoaxhvoax'kiox.
陳大戇的笑話